Saturday , September 26 2020
Breaking News
You are here: Home / Breaking News / 6 patay, 44 sugatan sa EDSA loading zone (MGP Bus sinalpok ng Elena Bus)

6 patay, 44 sugatan sa EDSA loading zone (MGP Bus sinalpok ng Elena Bus)

ANIM ang patay makaraang araruhin ng pampasaherong bus ang loading bay sa Epifanio delos Santos Avenue (EDSA) sa Magallanes, Makati City kahapon ng umaga.

Sinabi ni Makati City police chief, Supt. Manuel Lucban, Jr., sinalpok ng Elena Liner Bus (TXN 191) ang MGP Trans bus (NXV 350) at sinagasaan ang ilang pasahero sa loading bay sa EDSA-Magallanes southbound lane. Limang babae at isang lalaking naghihintay ng masasakyan ang namatay noon din, pagkompirma ng doktor mula sa Ospital ng Makati na nagresponde sa insidente. Lima sa kanila ang agad binawian ng buhay habang isa ang nalagutan ng hininga sa pagamutan. Sinabi ni Lucban, kabilang sa grabeng nasugatan sa insidente ang driver ng Elena bus. Umabot sa 44 biktima ang mga sugatan, kabilang ang mga pasahero ng bus na dumanas ng pagkabali ng mga buto, ayon sa ulat ng Makati City Police.

Bunsod ng insidente, bumagal ang daloy ng mga sasakyan sa erya.

(M. ALCALA/J. GARCIA)

About hataw tabloid

Leave a Reply

Your email address will not be published. Required fields are marked *

*

Scroll To Top