Sunday , September 27 2020
Breaking News
You are here: Home / News / 2 kelot sugatan sa videoke bar

2 kelot sugatan sa videoke bar

Sugatan ang dalawang lalaki nang pagsasaksakin sa loob ng videoke bar habang nasa kasarapan ng inuman sa Pasig City kahapon ng madaling araw .

Kinilala ni Pasig City chief of Police P/Sr. Supt. Mario Rariza ang mga biktimang sina Conrado Castillo, 46, security guard, residente ng Montes St., Caloocan City, at Gerome Adun, 24, residente ng Greenwoods Subd., Brgy. Pinagbuhatan, Pasig City.

Mabilis na nakatakas ang dalawang suspek na nasa katabing mesa ng mga biktima habang nag-iinuman.

Sa ulat, naganap ang insidente dakong 3:30 ng madaling araw sa loob ng Tatanibs Videoke Bar, sa Sandoval Ave., Brgy. Pinagbuhatan ng lungsod.

N ag-iinuman ang mga biktima habang ang dalawa ay nasa kabilang mesa nang magkaroon ng hindi pagkakaintindihan.

Gayonman nagawang payapain ng may-ari ng nasabing bar ang kaguluhan at nagsibalik na sa kanilang mga upuan ang dalawang grupo.

Lingid sa kaalaman ng mga biktima, naglabas ng armas ang isa sa mga suspek, lumapit sa kabilang mesa at walang sabi-sabing sinaksak sina Castillo at Adun saka mabilis na tumakas.

Isinugod pa sa pinakamalapit na hospital ang mga nasugatan para malapatan ng lunas habang inaalam ng otoridad ang pagkakakilanlan sa mga suspek.                                     (MIKKO BAYLON)

About hataw tabloid

Leave a Reply

Your email address will not be published. Required fields are marked *

*

Scroll To Top