Friday , November 27 2020
Breaking News
You are here: Home / News / 2 anak idinamay sa suicide ni tatay

2 anak idinamay sa suicide ni tatay

HINDI kontento ang isang ama na ang buhay lamang niya ang tapusin, kaya idinamay din niya ang kanyang dalawang anak kahapon sa Lingayen, Pangsinan.

Bangkay na nang marekober ang mga biktimang si Efren Sison, 43, at dalawa niyang mga anak na may gulang na 12-anyos at 9-anyos, residente ng Brgy. Maniboc ng lalawigan.

Sa ulat ng pulisya, naganap ang insidente dakong 9:30 a.m. sa isang ilog sa nasabing barangay.

Bago ito, tinangkang ibangga ni Efren kasama ang kanyang mga anak, ang minamanehong tricycle sa kasalubong na van ngunit hindi nagtagumpay kaya ibinangga naman ito sa kasunod na motorsiklo ngunit walang nasaktan sa kanila.

Sa puntong iyon, binuhat ni Efren ang kanyang dalawang anak at saka itinapon sa ilog bago sumunod na tumalon.

Napag-alaman na kalilibing lamang ng ina ni Efren kamakailan lamang at hinihinalang ito ang dahilan ng kanyang pagpapakamatay.

(JETHRO SINOCRUZ)

About hataw tabloid

Leave a Reply

Your email address will not be published. Required fields are marked *

*

Scroll To Top