Friday , March 29 2024

Ex-Marikina councilor utas sa ambush (Dahil sa jueteng war?)

111113_FRONT
PATAY sa ambush ang dating opposition councilor ng Marikina City at sinasabing isa rin jueteng lord habang sugatan ang isa sa kanyang dalawang kasama matapos tambangan paglabas ng sabungan sa Cainta, Rizal, nitong Sabado ng hapon.

Kinilala ni Senior Supt. Rolando Anduyan, PNP Provincial Director, ang namatay na si Elmer Nepomuceno, 51 anyos, habang sugatan ang driver na si Elmer Lituania pero maswerteng hindi tinamaan ang kasama nilang si Jason Villon.

Sa ulat ng Cainta PNP, dakong 4:45 p.m. kamakalawa nang tambangan ang dating konsehal at kinikilala rin jueteng lord sa Sumulong Highway, Sitio Balanti, Bgy. San Isidro, Cainta.

Unang binaril sa dalawang kamay ang driver na si Lituania habang minamaneho ang Hyundai Getz may plakang ZFJ-910 saka pinaputukan nang tatlong beses at malapitan sa ulo si Nepomuceno ng isa sa dalawang suspek na sakay ng motorsiklo.

Ang mga biktima ay galing sa Texas cockpit arena nang maispatan nang pinaniniwalaang nakaabang na mga assassin.

Pangunahing tinututukan ng imbestigasyon ng pulisya ang anggulong jueteng war matapos mabatid na si Nepomuceno umano ay nagsasagawa ng guerrilla operations na nakasasagasa sa teritoryo ng iba pang jueteng lords.

Kumalas na rin umano si Nepomuceno sa kanyang dating kasosyo na siya ngayong nakatutok sa operasyon ng jueteng  sa south Metro Manila. Sa ilan pang nakalap na impormasyon, si Nepomuceno ay madalas din umanong nagkukuwento na sa kanya kinukuha ng ilang kilalang personalidad ang pang-kalahatang jueteng payola para sa media.

Sa panahon ng panunungkulan sa Marikina, si Nepomuceno ay nakilala umano bilang opposition councilor.

Kilala rin si Nepomuceno bilang Pangulo ng Gamefowl Breeders Association of Rizal (GBAR), isang organisasyon na kinabibilangan ng mga mananabong sa lalawigan ng Rizal.

Ni ED MORENO

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *