Wednesday , September 23 2020
Breaking News
You are here: Home / News / Apat bagyo pa sa Disyembre —Pagasa

Apat bagyo pa sa Disyembre —Pagasa

Iniulat ng Philippine Atmospheric, Geophysical and Astronomical Services Administration (PAGASA) na magiging maganda ang panahon sa mga susunod na araw.

“Wala pang nakikitang low pressure area (LPA) sa loob ng Philippine area of responsibility (PAR) at asahan po natin na sa susunod na tatlo hanggang apat na araw makararanas tayo ng mainit na panahon at may pulo-pulong pag-ulan lang sa bandang hapon,” ani Connie Rose Dadivas, weather forecaster.

Aniya, northeast monsoon o Amihan  ang nakaaapekto sa Hilaga at Gitnang Luzon.

Ang mga rehiyon ng Cordillera, Ilocos, Cagayan Valley at Gitnang Luzon ay makararanas ng maulap na papawirin na may pag-ulan, habang ang Metro Manila at nalalabing bahagi ng Luzon ay bahagyang maulap hanggang may pulo-pulo at mahinang pag-ulan.

Ang natitirang bahagi ng bansa naman ay magkakaroon ng bahagya hanggang maulap na kalangitan na may pulo-pulong pag-ulan.

Gayon man, sinabi ni Dadivas na may binabantayan silang cloud cluster sa labas ng PAR na posibleng maging LPA.

Sakaling maging bagyo at pumasok sa bansa, “Halos pareho lang din ng track ni Yolanda (ang tatahakin nito),” ani Dadivas.

Ngayon buwan, dalawang bagyo pa ang inaasahan ng PAGASA at isa hanggang dalawa naman ang posibleng pumasok sa Disyembre.

About hataw tabloid

Leave a Reply

Your email address will not be published. Required fields are marked *

*

Scroll To Top