Thursday , September 24 2020
Breaking News
You are here: Home / News / Napoles itapon sa city jail — Escudero (P150-K nasayang)

Napoles itapon sa city jail — Escudero (P150-K nasayang)

DESMAYADO ang isang senador sa kinahinatnan ng pagdalo ni Janet Lim-Napoles sa pagdinig ng Senado sa isyu ng pork barrel scam dahil hindi napiga ng mga mambabatas na ikanta ang mga kasabwat sa P10-bilyon pork barrel scam.

Ayon kay Sen. Francis “Chiz” Escudero, sayang ang special treatment na ibinigay ng gobyerno kay Napoles na itinuturong utak sa multi-bilyong pisong scam.

“Para sa akin alam mo gumastos ang PNP ng P150,000 para dalhin siya sa Senado. Prinotektahan siya at may bullet proof vest pa, nakakulong pa sa Sta. Rosa, wala sa city jail dahil akala ng lahat lalo na noong sumuko siya kay Pangulong Benigno Aquino, magsasalita siya,” saad ni Escudero.

“Sasabihin niya ang totoo, ‘yun pala, ganyan lang ang sasabihin niya, ‘right against self-incrimination,’ ‘hindi ko maalala,’ ‘hindi ko alam.’ Kung gano’n lang din pala bakit may special treatment pa siya,” dagdag ng senador.

Naniniwala rin si Escudero na magaling si Napoles dahil nagawa niya ang anomalya.

Dahil wala rin naman aniyang banta sa buhay ng negosyante gaya ng mga unang napaulat at walang balak na magsalita,  dapat  hilingin  ng gobyerno sa Department of Justice (DOJ) na ilipat siya sa ordinaryong piitan, at huwag nang gastusan ang seguridad.

(CYNTHIA MARTIN)

About hataw tabloid

Leave a Reply

Your email address will not be published. Required fields are marked *

*

Scroll To Top