Wednesday , September 30 2020
Breaking News
You are here: Home / News / Nakatakas na holdaper dedo sa ops

Nakatakas na holdaper dedo sa ops

PAMPANGA – Isa sa limang nakatakas na mga holdaper ng isang negosyante ng gulay sa City of San Fernando, ang napatay ng mga awtoridad nang manlaban sa follow-up operation sa Brgy. Quebiawan.

Binawian ng buhay ang suspek na si alyas Peter matapos makipagpalitan ng putok sa humahabol na mga pulis.

Batay sa ulat ng pulisya, 4:40 a.m. nang magsagawa ng follow-up operation ang mga awtoridad laban sa suspek kahapon sa abandonadong riles ng tren na sakop ng San Miguel Complex matapos inguso ng kanilang asset.

Nang mamataan ang papalapit na mga pulis ay agad nagpaputok ang suspek kaya gumanti ng putok ang mga awtoridad na nagresulta sa agarang kamatayan ng suspek.

Matatandaang hinoldap ng pitong armadong kalalakihang lulan ng dalawang motorsiklo at isang owner type jeep ang vegetable dealer sa naturang lungsod kamakalawa ng madaling-araw.

Sa pagresponde ng mga awtoridad ay napatay ang dalawa sa mga suspek sa palitan ng putok habang nakatakas ang lima pang mga salarin tangay ang hindi pa mabatid na halaga ng koleksyon ng mga biktima.

Kasalukuyang tinutugis ng mga awtoridad ang apat pang mga suspek.

(RAUL SUSCANO/

LEONY AREVALO)

About hataw tabloid

Leave a Reply

Your email address will not be published. Required fields are marked *

*

Scroll To Top