Thursday , October 1 2020
Breaking News
You are here: Home / Showbiz / Bianca Manalo, boses beki pa rin!

Bianca Manalo, boses beki pa rin!

MARAMI ang hanggang ngayo’y tila naiirita sa boses bakla ni Bianca Manalo. Sa ganda at tangkad nito at pagiging beauty queen, marami ang nagtataka kung paanong nagkaroon ito ng ganoong klase ng boses. Pero hindi iyon naging hadlang para maging beauty queen si Bianca at maging matagumpay bilang artista.

Aktibo ngayon si Bianca sa TV5, at kasama siya ni Martin Escudero sa drama series na Positive. Gumaganap siya bilang HIV counselor ni Martin.

Gaganap si Bianca bilang si Anne. Isang sikat at mayamang yoga instructor na hindi lang maganda, matangkad, at matalino pa. Mula ulo hanggang paa, kinaiinggitan si Anne ng mga kababaihan. Ang hindi nila alam, HIV positive ang ito for 10 years na. In her spare time, nag-vo-volunteer siyang maging peer counselor for people living with HIV and AIDS.

Makikilala siya ni Carlo (Martin Escudero) sa peer counselling sessions nito. Dahil sa mukhang ‘di tiwala si Carlo sa kanya, aaminin niyang siya rin ay HIV positive. Aksidenteng nakuha niya ito sa kanyang gay brother (gagampanan ni Bobby Andrews) without knowing na may AIDS na pala ito matapos mag-donate sa kanya ng dugo.

Magiging malapit ang dalawa lalo pa nang ipakilala ni Anne ang kanyang kapatid na nakaratay sa bingit ng kamatayan dahil sa komplikasyon dulot ng AIDS.

Samantala, mula sa mainit na eksena ni Rufa Mae Quinto last week, maraming confrontations ang mangyayari sa susunod na episode ng Positive. Kokomprontahin ni Janis (Helga Krapf), si Carlo dahil sa kanyang panlalamig. Mababanggit niya si Maricris (Rufa Mae) sa kanilang pag-aaway, dahil nga nakita niya ang mga kahina-hilang messages ng dalawa sa Facebook.

Diretsahang kokomprontahin din ni Donald (Ramon Christopher Gutierrez) si Maricris tungkol sa kanyang boy lover. Dahil dito, tutugisin ni Donald si Carlo, galit na galit at gusto itong ipapatay!

Paano makaaapekto sa buhay ni Carlo si Anne? Makukumbinse niya ba si Carlo na aminin na ang kanyang sakit sa pamilya? At anong panganib sa buhay ni Carlo ang dala ni Donald?

Tutukan ang lahat ng ito sa Positive ngayong Huwebes, 9:00 p.m. sa TV5!

Maricris Valdez Nicasio

About hataw tabloid

Leave a Reply

Your email address will not be published. Required fields are marked *

*

Scroll To Top