Sunday , September 20 2020
Breaking News
You are here: Home / News / Naningil ng otso mil sinuklian ng baril

Naningil ng otso mil sinuklian ng baril

Kalaboso ang isang 41-anyos lalaki matapos barilin at mapatay ang lalaking pinagkakautangan niya sa Cagayan de Oro City.

Nakapiit ngayon sa detention cell ng Cagayan de Oro police ang suspek na si Dela Militon, 41, ng barangay Bayabas, sa nabanggit na lungsod.

Dinakip si Militon matapos barilin ang biktimang si Ruben Carpio, 43, may asawa, ng nasabing lugar.

Sa kuwento ni Junior Bilonghilot, kapitbahay ng biktima, bago pa ang insidente ay sinisingil umano ng biktima ang suspek hanggang magtalo sila.

Nabatid na ilang buwan nang may pagkakautang na dalawang gulong ng jeepney na nagkakahalaga ng P8,000 ang suspek sa biktima at nang magkitang muli ay pilit siyang sinisingil.

Tatlong tama ng punglo sa ulo, dibdib at leeg ang tumapos sa buhay ng biktima.

Depensa ng suspek, nagawa niyang barilin ang biktima nang akto umanong susugurin siya ng saksak kaya niya pinaputukan. (Beth Julian)

About hataw tabloid

Leave a Reply

Your email address will not be published. Required fields are marked *

*

Scroll To Top