Wednesday , September 30 2020
Breaking News
You are here: Home / News / Tiananmen car crash probe ipauubaya sa China —DFA

Tiananmen car crash probe ipauubaya sa China —DFA

IPAUUBAYA ng Department of Foreign Affairs (DFA) sa Chinese authorities ang imbestigasyon kaugnay sa madugong “car crash” sa makasaysayang Tiananmen Square sa Beijing na ikinamatay ng lima katao, kabilang ang Filipina doctor.

Kaugnay nito, tumanggi si DFA spokesperson Raul Hernandez na magkomento hinggil sa report na “terror attack” ang nangyari.

“Hindi ko alam kung saan nanggaling ang insinuation, parang malicous at dubious masyado ang insinuation. Ang namatay ay lima, isa lamang ang Filipino roon at ang nasugatan, 38 mula sa iba’t ibang nationalities. Hindi ko alam kung saan galing ang report na iyan. Hintayin na lang natin ang resulta ng imbestigasyon ng Chinese authorities,” ayon sa opisyal.

Una rito, naniniwala ang mga awtoridad sa China na suicide attackers ang nag-drive ng sasakyan na sumalpok sa Tiananmen Square.

Ayon sa source, hindi aksidente lang ang nangyari na sinalpok ng jeep ang mga barikada at ang tatlong sakay ng jeep ay walang balak na lumabas ng sasakyan matapos bumangga sa square.

“It looks like a premeditated suicide attack,” ayon sa source na may direktang alam sa imbestigas-yon.

Hindi pa matukoy ang sakay ng jeep bagama’t sinabi ng Chinese police na may dalawang suspek silang iniimbestigahan mula sa Xinjiang na may koneksyon sa insidente.

Posible raw na pang-aatake ang nangyari na may kaugnayan sa nalalapit na pagtitipon ng Central Committee ng ru-ling Communist Party.

Iniuugnay din ang pangyayari sa mga Uig-hur Muslim, isang ethnic minority sa Xinjiang na nag-aaklas laban sa pamahalaan ng China.

(JAJA GARCIA)

About hataw tabloid

Leave a Reply

Your email address will not be published. Required fields are marked *

*

Scroll To Top