Thursday , October 1 2020
Breaking News
You are here: Home / Sports / Miranda itinapon ng Petron

Miranda itinapon ng Petron

INAYOS kahapon ng Petron Blaze at Globalport ang isang trade habang ginaganap ang planning session ng PBA board of governors sa Sydney, Australia.

Sa ilalim ng trade, ililipat ng Blaze Boosters si Denok Miranda sa Batang Pier kapalit ni Chris Ross.

Naunang nakuha ng Globalport si Ross mula sa Meralco kasama si Chris Timberlake kapalit naman nina Gary David at AJ Mandani.

“I have just approved the trade. It is balanced so good luck to both Petron and Globalport,” wika ni PBA Commissioner Chito Salud.

Hindi masyadong ginamit ng Petron si Miranda sa katatapos na PBA Governors’ Cup kung saan natalo ang Blaze Boosters sa finals kontra sa San Mig Coffee.

Ngunit may plano ang Globalport na itapon si Miranda sa Barako Bull kapalit ang ika-anim na pick ng Energy Colas sa PBA Rookie Draft na gagawin sa Linggo.

“Right now, we’re still in the process of strengthening our lineup. We’re talking and discussing with the coaching staff and Boss Mikee on how to improve it,” wika ni Globalport board governor Erick Arejola sa panayam ng PTV-4 Sports.

(James Ty III)

About hataw tabloid

Leave a Reply

Your email address will not be published. Required fields are marked *

*

Scroll To Top