Sunday , September 27 2020
Breaking News
You are here: Home / News / Mag-ina kritikal sa taga ng lasing

Mag-ina kritikal sa taga ng lasing

LEGAZPI CITY – Kritikal mag-ina sa lalawigan ng Albay matapos pagtatagain ng kanilang kapitbahay dahil sa bintang na pagnanakaw ng alagang manok.

Kinilala ang mga biktimang si Siony Broma, 49, at anak niyang si Jaime Broma, 14, pawang mga residente ng Purok 3, Brgy. Masarawag, Guinobatan, Albay.

Batay sa ulat ng pulisya, bigla na lamang sinugod ng lasing na suspek na kinilalang si Henry Agustin, 45, ang mag-ina, bitbit ang kanyang bolo.

Tahasan niyang inakusahan ang batang Broma na ninakaw ang kanyang alagang manok.

Dahil dito, lumabas ang nanay na si Siony na bitbit din ang bolo, ngunit inunahan siya ng taga ng suspek.

Matapos pagtatagain ang ginang, sinugod din ng taga ng suspek si Jaime.

Agad namang sinaklolohan ng mga kapitbahay ang mga biktima at agad dinala sa Bicol Regional Training and Teaching Hospital (BRTTH) habang nahuli naman ang suspek.

Sa ngayon ay nasa kustodiya na ng Guinobatan Municpal Police Station ang suspek. (BETH JULIAN)

About hataw tabloid

Leave a Reply

Your email address will not be published. Required fields are marked *

*

Scroll To Top