Wednesday , September 30 2020
Breaking News
You are here: Home / News / 9 preso pumuga sa CamSur jail

9 preso pumuga sa CamSur jail

NAGA CITY – Patuloy ang hot pursuit operation ng mga awtoridad sa siyam bilanggo na tumakas mula sa Tinangis Penal Farm sa Pili, Camarines Sur.

Ayon sa ulat ng Pili MPS, dakong 2:30 a.m. kahapon nang iulat ni Susan Bergantin, staff ng penal farm, ang insidente.

Ayon kay Bergantin, dakong 12:30 a.m. kahapon habang nagsasagawa siya ng roving inspection kasama si jail guard Juanito Gaston y Monton, nang magsumbong ang inmate na si Isidro Rico kaugnay sa naganap na jailbreak.

Ayon sa impormasyon, nilagare ng mga preso ang rehas na bintana sa bahagi ng comfort room.

Kinilala ang mga tumakas na sina Rolly Cabaltera, Roland Negrido, Juan Olidario, Gilford Embele, Muriel San Jouaquin, Richard Pele, Edwin Gapos, Eugene Brutas at Cea Kalim.

Ang siyam ay nahaharap sa iba’t ibang kaso tulad ng murder, drugs at carnapping.

Itinakda naman ang pagsasagawa ng bio profile sa iba pang mga bilanggo ng nasabing penal colony. (JETHRO SINOCRUZ/BETH JULIAN)

About hataw tabloid

Leave a Reply

Your email address will not be published. Required fields are marked *

*

Scroll To Top