Sunday , September 20 2020
Breaking News
You are here: Home / Sports / San Sebastian vs Perpetual

San Sebastian vs Perpetual

IKATLONG puwesto at pag-iwas sa maagang engkwentro kontra three-time defending champion San Beda College ang paglalabanan ng San Sebastian Stags at Perpetual Help Altas  sa isang playoff sa 89th National Collegiate Athletic Association (NCAA) men’s basketball tournament mamayang 4 pm sa The Arena sa San Juan.

Ang Stags at Altas ay kapwa nagtapos na may 11-7 record sa ikatlong puwesto sa likod ng San Beda (15-3) at Letran College (14-4).

Ang magwawagi mamaya ay makakatunggali ng Letran Knights sa Final Four samantlang ang matatalo ay makakatapat ng Red Lions.

Kapwa may twice-to-beat advantage ang San Beda at Letran.

Sa papel ay masasabing may bentahe ang San Sebastians at Perpetual Help dahil sa dalawang beses na tinalo ng Stags ang Altas sa elims.

Dinaig ng Stags ang Altas sa overtime, 78-77 sa kanilang unang pagkikita noong Hulyo 8. Nakaulit ang Stags, 71-65 noong Oktubre 19.

Subalit hindi puwedeng gamitin ang resulta ng mga larong ito aupang maging garantiya na patuloy na mawawalis ng Stags ang Altas. At iyan ay alam ni SSC coach Topex Robinson.

Masasabing malayo rin ang narating ng Stags dahil sa pumasok sila sa Final Four sa kabila ng pangyayaring may sampung rookies sa line-up nila. At ngayon nga ay halos beterano na kung kumilos ang mga baguhang sina Jamil Ortuoste, Bradwyn Guinto, Leodaniel de vera, Cjay Perez at iba pa.

Ang Perpetual Help ay pinamumunuan ni Nosa Omorogbe na sinusuportahan nina Harold Arboleda, Justin Alano, Chrisper Elopre, Scottie Thompson at prized rookie Juneric Baloria.

Ang Final Four ay magsisimula sa Nobyembre 7. Sakaling magwagi sa Game One ang San Beda at Letran ay didiretso na silang dalawa sa best-of-three championship series.

(SABRINA PASCUA)

About hataw tabloid

Leave a Reply

Your email address will not be published. Required fields are marked *

*

Scroll To Top