Wednesday , September 30 2020
Breaking News
You are here: Home / News / Market inspector utas sa tambang

Market inspector utas sa tambang

PATAY noon din ang market inspector makaraang pagbabarilin ng dalawang armadong lalaki sa Brgy. Commonwealth, Quezon City kahapon ng umaga,

Sa ulat na nakarating kay Chief Supt. Richard Albano,  Quezon City Police District (QCPD) Director, mula sa QCPD Police station 6, ang napatay ay si Roger Pineda, 38, market inspector sa Commonwealth Market sa Brgy. Commonwealth sa lungsod.

Ayon kay PO3 Laila Agati ng PS-6, si Pineda ay pinagbabaril ng dalawang armadong lalaki sa Steve St., partikular sa likuran ng Commonwealth Market dakong 9:45a.m.

Kagagaling lamang ng biktima sa palengke at naglalakad papauwi nang pagbabarilin.

Matapos ang pagpatay, kaswal lamang na naglakad ang mga suspek sa pagtakas.

Nitong nakaraang Biyernes, pinaslang naman ang administrative staff-collector ng naturang palengke na si Rosario Tortoles, 52-anyos.

Patuloy ang imbestigasyon ng mga awtoridad sa nasabing insidente na posibleng may kinalaman sa trabaho ng mga biktima.

(A. DANGUILAN)

About hataw tabloid

Leave a Reply

Your email address will not be published. Required fields are marked *

*

Scroll To Top