Wednesday , September 30 2020
Breaking News
You are here: Home / Showbiz / Jessy, flattered na crush ng magkapatid na Jeron at Jeric Teng

Jessy, flattered na crush ng magkapatid na Jeron at Jeric Teng

IBANG klase talaga ang ganda ni Jessy Mendiola. Matapos magpahayag nina Sam Milby at Jake Cuenca na interesado o nililigawan nila ang aktres, hindi naman ikinaila ng magkapatid na basketbolista na sina Jeron ng De La Salle University Green Archers at Jeric Teng ng University of Santo Tomas Growling Tigers ang paghanga nila kay Jessy.

Very vocal ang dalawa sa pagsasabing gandang-ganda sila sa bida ng Maria Mercedes. Umabot ito kay Jessy sa pamamagitan ng social media na ikinatuwa naman niya.

“Nameet ko na sila once noong ‘Kris TV’ tapos biglang heto nali-link kami. Nakaka-flatter na nakaka-awkward din ng kaunti kasi siyempre ‘pag nagkita kami uli ‘di ba alam mo na crush ka nila. Pero nakatutuwa naman na inamin nila in public na hinahangaan nila ako,” ani Jessy.

Ayon sa balita, hindi pa uli nagkikita sina Jessy at ang  magkapatid ngunit nakapag-usap naman sila sa Twitter at via phone patch kamakailan nang hiningan ng Minute To Win Itng mensahe si Jessy para sa dalawa, na siyang studio players ng mga oras na iyon.

Nang tanungin kung maaari siyang ligawan ng isa sa magkapatid, sagot ni Jessy ay”ligaw agad? Hindi ba puwedeng friends muna?’ Bukas naman ako sa pakikipagkaibigan. Mukha naman silang mababait pero sa ngayon, ang focus ko talaga ay trabaho at ‘di ko priority ang love life.”

Hindi kataka-takang maraming boys ang mahalina kay Jessy tulad ng kanyang karakter sa primetime soap na Maria Mercedes na kinahuhumalingan at pinag-aagawan din siya ng mga kalalakihan.

“Siguro isa nga ‘yun sa pagkakapareho talaga namin ni Mercedes. Pero kompara sa akin, mukhang mas magaling yata siya pagdating sa boys,” biro ni Jessy. ”Ako kasi minsan hindi ko talaga alam paano magre-react kapag may magsasabi sa akin na crush ako ni ganito o ni ganyan.”

Aminado naman si Jessy na ang focus niya sa kasalukuyan ay ang kanyang trabaho kaya  malayo pang mamili si Jessy sa mga admirer niya. Pero ang sabi, mukhang nakalalamang na sa puso ng karakter niya bilang si Mercedes sa pagiging mas malapit nito si Luis (Jake Cuenca).

Sa Maria Mercedes, nagkakalapit na sina Luis at Maria. Saan kaya hahantong ang kanilang pagkakaibigan? Tuluyan na bang mahuhulog ang loob nila sa isa’t isa? Paano na sina Clavio (Jason Abalos) at Misty (Nikki Gil) na umaasa sa pag-ibig nila?

Kaya hhuwag palalampasin ang tamis at pait ng buhay at pag-ibig ni  Maria Mercedesweeknights pagkatapos ng Got to Believe sa Primetime Bida ng ABS-CBN. Para sa updates, sundan ang @MariaMercedesPH sa Twitter at i-like angwww.facebook.com/MariaMercedesOfficial sa Facebook. Ipahayag ang inyong opinion sa show gamit ang hashtag na #MariaMercedes.
Maricris Valdez Nicasio

About hataw tabloid

Leave a Reply

Your email address will not be published. Required fields are marked *

*

Scroll To Top