Monday , September 21 2020
Breaking News
You are here: Home / News / Aksyon ng DSWD vs Freddie Aguilar aprub sa Palasyo

Aksyon ng DSWD vs Freddie Aguilar aprub sa Palasyo

SUPORTADO ng Palasyo ang pagpasok ng Department of Social Welfare and Development (DSWD) sa isyu ng paki-kipagrelasyon ng 60-anyos singer na si Freddie Aguilar sa 16-anyos dalagita.

“Lahat naman po ng pagkilos ng mga ahensya ay sang-ayon sa pangkalahatang direksyon ng pambansang pamahalaan,” sabi ni Presidential Communications Operations Office Secretary Herminio Coloma, Jr.

Ayon kay Coloma, ang sinusunod na proseso ng DSWD sa paghawak sa usapin ay dialogue dahil may pagkasensitibo ang isyu.

“Ang kanilang sinabi, the DSWD is reaching out to counsel the parents and the person concerned, ang minor na sangkot dito. Dagdag niya (Soliman), we are trying to reach out to Mr. Aguilar; we are mandated by law to protect minors. We are mandated by law to protect minors but we are approaching this with sensitivity, so dialogue is the mode,” sabi ni Coloma.

Kailangan aniyang maunawaan ng publiko ang papel ng DSWD, na kasama sa mandato ng ahensya na bigyan ng proteksyon ang mga menor-de-edad kaya dapat kausapin ang lahat ng apektado sa naturang usapin.

(ROSE NOVENARIO)

About hataw tabloid

Leave a Reply

Your email address will not be published. Required fields are marked *

*

Scroll To Top