Friday , March 29 2024

Aiai, malaking bday concert ang gagawin sa 2015 (Bilang silver anniversary at wala raw dapat sumabay…)

WALA talagang dull moment kapag si Ai Ai delas Alas ang kausap. Kahit pagod sa trabaho o napagod ang puso, laging nakapagpapatawa pa rin ang tinaguriang Comedy Concert Queen.

Kasama kami sa dumalaw sa taping ng aktres ng TodaMax sa may Speaker Perez at napag-usapan doon ang tungkol sa kanyang birthday at concert. Tuwing nagbi-birthday kasi ito’y may concert na ginagawa. Pero this year, tila tahimik ang aktres tungkol dito.

Aniya, may malaki raw siyang pinaghahandaan. Ito ay ang kanyang 25th anniversary na magaganap sa 2015. Isang pasabog na concert ang gagawin niya na ngayon pa lang ay pinaplano na.

Sinabi ni Ai Ai na isang pasabog na concert ang magaganap sa Mall of Asia Arena.

“’Pag sa 25th year ko sa 2015, January pa lang, ia-announce ko na, walang sasabay ng November sa akin. Kahit foreign artist o local, wala. Ako lang.

“Magagalit talaga ako pag may sumabay sa akin. January pa lang, ia-announce ko na. Huwag kayong sasabay sa akin! Sa buong Pilipinas, sa lahat ng concert artists, huwag n’yo akong sasabayan sa November, 2015,”  giit ni Ai Ai.

Idinagdag pa nitong, “magagalit talaga ako ‘pag mayroon akong kasabay. Aawayin ko siya. Ang tagal-tagal ko itong hinintay. Last na nag-concert ako 2010 pa. Kaya inaabangan ko talaga itong 2015 kasi silver anniversary ko sa showbiz. Pasabog talaga ito.”

Tiyak ngang pasabog ito dahil ngayon pa lang ay pinaplano na ang naturang concert.

Samantala, masaya si Ai-ai dahil mataas ang ratings ng Wansapanataym Special na siya ang featured artist sa buwan ng Oktubre na ang episode title ay Moomoo Knows Best.

Sa pilot episode nito noong Oktubre 12 ay number 1 all over-all weekend program na nagtala ng 30.8% ratings.

At sa pagpapatuloy nito ngayong Sabado, mas titindi na ang kompetisyon  ng mga karakter nina Ai Ai at Cherry Pie Picache. Ngayong tunay at matapat na esperitista na si Joanna (AiAi), muling susubukin ang kanyang kabutihan sa pagpasok ng mapanira niyang karibal na si Lavender (Cherry Pie).

Kaya abangan ang Wansapantayam ngayong Sabado sa ABS-CBN2.

Maricris Valdez Nicasio

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *