Wednesday , September 30 2020
Breaking News
You are here: Home / Sports / Sangalang nagpalista na sa PBA draft

Sangalang nagpalista na sa PBA draft

ISINUMITE na kahapon ni Ian Sangalang ang kanyang aplikasyon para sa 2013 PBA Rookie Draft na gagawin sa Robinson’s Place Manila sa Nobyembre 3.

Dumalo si Sangalang sa opisina ng PBA sa Libis, Lungsod ng Quezon, upang dalhin ang kanyang aplikasyon kasama ang kanyang manager na si Atty. Charlie Chua.

Dating manlalaro ng San Sebastian sa NCAA at NLEX ng PBA D League si Sangalang bago siya nagdesisyong pumasok sa PBA.

Pinagpipilian ng Barangay Ginebra San Miguel kung sinuman kina Sangalang o Greg Slaughter ang magiging top pick ng Kings sa draft.

Kung mapupunta sa Ginebra si Slaughter, magtutunggali ang San Mig Coffee at Rain or Shine sa pagpili kay Sangalang.

Bukod kina Sangalang at Slaughter, pasok din sa mga listahan ng draftees sina Jeric Teng, RR Garcia, Raymond Almazan, Nico Salva, Justin Chua, Mike Silungan, Mark Lopez, Mark Bringas, Eric Camson, Anjo Caram, Dave Najorda, Jeckster Apinan, Isaac Holstein, Jett Vidal, James Forrester, Alex Nuyles at Jens Knuttel.

Ngayong araw ang taning para sa pagsumite ng aplikasyon para sa draft.        (James Ty III)

About hataw tabloid

Leave a Reply

Your email address will not be published. Required fields are marked *

*

Scroll To Top