Friday , September 25 2020
Breaking News
You are here: Home / Sports / Meralco nagpapalakas ng line-up

Meralco nagpapalakas ng line-up

NANG tanggapin ni Paul Ryan Gregorio ang tungkulin bilang head coach ng Meralco Bolts ay pinilit niya na magkaroon din ng main go-to guy ang kanyang koponan tulad ng nilisan niyang Purefoods Tender Juicy Hotdogs (ngayo’y SanMig Coffee).

Ang main man niya sa Purefoods noon ay si James Yap na nagwagi ng Most Valuable Player award ng dalawang beses.

Kapag kailangan ng Purefoods ng puntos, isa lang ang sasabihin ni Gregorio sa mga bata niya. Give the ball to James!

Kadalasan ay naipapanalo ni Yap ang Purefoods!

So, ganoong uri ng player ang gusto ni Gregorio para sa Meralco.

At ang kanyang napusuan ay si Mark Cardona na noon ay naglalaro sa Talk N Text.

Dahil sister teams naman ang Meralco at Talk n Text ay nakuha niya si Cardona sa pamamagitan ng isang trade na pinaikot muna sa ibang team.

Tatlong taon ding nagtagal si Cardona sa kampo ng Meralco. Pero sa loob ng siyam na conferences, ang pinakamataas na naabot ng Bolts ay ang semis ng kasalukuyang Governors Cup. And take note, hindi naman gaanong nakapaglaro si Cardona sa torneong ito.

So, hindi siya napakinabangan nang husto.

Sa pagpapasok ng ika-39 season ng PBA, hindi na si Cardona ang main man ng Meralco.

Si Gary David na.

Bagama’t may edad na si David, naniniwala si Gregorio na kaya nitong gawin ang ginagawa ni Yap.

Hindi nga ba’t natulungan ni David ang Powerade na makarating sa Finals ng Philippine Cup dalawang seasons na ang nakalilipas?

Si Gregorio ay nasa ikaapat na taon ng five-year contract niya bilang coach ng Meralco. Kailangan na nilang makarating sa Finals at magkampeon sa ilalim ng kanyang programa.

Kasi, kapag hindi nila nagawa ito, malamang na magkaroon ng balasahan sa koponan.

Ayaw ni Gregorio na mapasama sa balasa!

Sabrina Pascua

About hataw tabloid

Leave a Reply

Your email address will not be published. Required fields are marked *

*

Scroll To Top