Tuesday , September 29 2020
Breaking News
You are here: Home / News / Holdaper tigok sa kuyog

Holdaper tigok sa kuyog

PATAY ang isa sa dalawang holdaper nang dumugin ng galit na mga lalaking nakasaksi sa panghoholdap  habang sugatan sa pananaksak ang isa sa mga humabol sa mga suspek sa Pasay City kahapon ng umaga.

Halos hindi makilala sa tindi ng pinsala sa mukha ang hinihinalang holdaper na kinilalang si Jayson Encabo alyas “Batman,” residente ng 2430 Gamban Extension, Ilang-Ilang St., Pasay.

Sugatan din ang isa sa mga pasahero na tinangkang holdapin, si Marina Jaime, 53, ng 140 Tramo Riverside matapos tumalon sa jeep at isinugod naman sa pagamutan ang 17-anyos na si Martin Guial, isa sa mga humabol sa mga suspek matapos saksakin ni Encabo.

Sa imbestigasyon ni SPO1 Joel Landicho, sumakay ang dalawang suspek sa pampasaherong jeep sa kanto ng Aurora Blvd., at Tramo kaya agad tinutukan ng patalim ang mga pasahero saka nagdeklara ng holdap.

Sa takot, tumalon agad si Jaime at nakuha agad ang bag ng isa pang pasaherong si Glowell Toleos, 34, na naglalaman ng P3,000 cash at mga personal na gamit.

Tumanggi ang isang pasaherong si Conrado Patinio, 22, computer technician na ibigay ang kanyang bag kaya’t nagkaroon ng kaguluhan na napansin ng mga kalalakihan sa Sgt. Mariano Cemetery na naging dahilan upang  bumaba ang mga suspek saka hinabol ng mga tambay.

Tinamaan ng bato si Encabo at nang matumba ay pinagtulungang gulpihin na kanyang ikinamatay habang nakatakas ang kanyang kasama.

(JAJA GARCIA)

About hataw tabloid

Leave a Reply

Your email address will not be published. Required fields are marked *

*

Scroll To Top