Tuesday , September 29 2020
Breaking News
You are here: Home / News / DepEd supervisor, mister utas sa hired killers (Principal sugatan)

DepEd supervisor, mister utas sa hired killers (Principal sugatan)

CALASIAO, Pangasinan – Patay ang supervisor  ng Department of Education sa Pangasinan at ang kanyang mister na guro habang sugatan ang isang punong-guro matapos tambangan ng mga armadong kalalakihan sakay ng motorsiklo sa Brgy. Mancup sa bayang ito kamakalawa ng hapon.

Kinilala ang mag-asawang napatay na sina Dr. Lelita Rancodo at Rolando Rancodo, parehong residente sa bayan ng Basista, Pangasinan.

Si Ginang Rancodo ay kasalukuyang school district supervisor ng DepEd District 1 ng Calasiao at nagtatrabaho rin bilang guro ang kanyang mister sa Calasiao I Central School.

Malubhang nasugatan sa insidente si Dr. Susan Espinoza, principal ng Songkoy Elementary School sa bayan din ng Calasiao.

Nabatid kay Supt. Noel Vallo, hepe ng Calasiao PNP, dakong 5:30 pm matapos magpakarga ng gasolina ang sasakyan ng mga biktima nang biglang sumulpot ang dalawang suspek na lulan ng motorsiklo at sila ay pinagbabaril.

Kabilang sa anggulo na tinututukan ng mga awtoridad sa insidente ay away sa manang lupa, love triangle at kaugnay sa trabaho ni Dr. Lelita Rancodo.

Bago ang insidente ay nagpa-blotter sa himpilan ng pulisya si Dr. Rancodo dahil sa natatanggap na death threats sa text messages.

(JAIME AQUINO)

About hataw tabloid

Leave a Reply

Your email address will not be published. Required fields are marked *

*

Scroll To Top