Thursday , November 26 2020
Breaking News
You are here: Home / News / Pasig SOG member sugatan sa kariton boy

Pasig SOG member sugatan sa kariton boy

Sugatan ang miyembro ng Special Operations Group (SOG) ng Pasig City matapos saksakin ng isang vendor habang nagsasagawa ng clearing operation sa Mega Market, Pasig City kahapon ng umaga.

Kinilala ni Pasig City chief of police Sr/Supt. Ma-rio Rariza ang biktima na si Robert Martinez, 41, may asawa at residente ng Ka-pitan Ato St., Brgy. Sta Cruz sa nasabing lungsod.

Tumakas ang suspek na kinilala lamang sa alyas na Rolando,  residente ng Brgy. Palatiw, isa sa kariton boys na nagtitinda sa paligid ng Pasig Mega Market.

Sa ulat, naganap ang insidente dakong 9:00 ng umaga sa vegetable section ng Pasig Mega Market.

Nagsasagawa ng clearing operation ang SOG nang madakip ang suspek kasabay ng pagkompiska sa kanyang mga paninda.

Habang nagtatalo ang dalawa biglang inundayan ng saksak ng suspek ang biktima na tinamaan sa kanang braso.

Agad sinaklolohan ng kanyang kasamahan ang biktima saka dinala sa Pasig City General Hospital.

Ligtas na ang pasyente at kasalukuyang nagpapagaling.

(MIKKO BAYLON)

About hataw tabloid

Leave a Reply

Your email address will not be published. Required fields are marked *

*

Scroll To Top