Tuesday , September 29 2020
Breaking News
You are here: Home / News / Negosyante itinumba sa agahan

Negosyante itinumba sa agahan

NAKAYUKYOK sa inorder na almusal ang 43-anyos negosyante matapos pagbabarilin ng riding in tandem kahapon ng madaling araw sa isang food chain sa Marikina City.

Kinilala ni Sr/Supt. Reynaldo Jagmis, hepe ng Marikina Police, ang biktimang si Rommel Palomares, nakatira sa #16 Aberdeen St., Brgy. Bahay Toro, Quezon City.

Mabilis na tumakas ang dalawang salarin sakay ng motorsiklong walang plaka sa hindi batid na direksyon.

Sa inisyal na imbestigasyon nina SPO1 Aladin Alingas at PO2 Rodrigo Febreo, dakong 1:15 a.m. nang pagbabarilin ang biktima ng mga suspek sa loob ng Jovy and Leni Eatery habang kumakain sa V. Santos St. kanto ng J.P. Rizal St., Brgy. Sto. Nino, ng lungsod.

Tiniyak ng mga awtoridad na hindi holdap ang motibo ng pagpatay dahil narekober ng pulisya sa katawan ng biktima ang kanyang cellphone at P6,000 cash.

(ED MORENO)

About hataw tabloid

Leave a Reply

Your email address will not be published. Required fields are marked *

*

Scroll To Top