Tuesday , September 22 2020
Breaking News
You are here: Home / News / 2 kelot utas sa boga ng assassin

2 kelot utas sa boga ng assassin

PATAY ang dalawang lalaki sa magkahiwalay na insidente ng pamamaril kahapon ng mada-ling-araw sa lungsod ng Maynila.

Kinilala ang unang biktima na si Geronimo Quinto, 34-anyos, tindero, nakatira sa #4169 Younger St., Balut, Tondo, Maynila.

Ang itinuturo namang suspek ay si Joseph Solano alyas Otep, nakatira sa Banahaw St., Balut, Tondo, kasama ang da-lawang hindi nakilalang lalaki.

Ayon sa ulat ni PO3 Jupiter Tajonera, dakong 1 a.m. kahapon, inihahanda ng mag-asawa ang kanilang panindang pagkain nang umalis sandali ang misis ng biktima upang tingnan sa bahay ang niluluto.

Makalipas ang ilang minuto, ay nakarinig ng sunod-sunod na putok ng baril ang ginang at nang tingnan ay natagpuan ang mister na nakahandusay sa kalsada.

Samantala, isang bala ang tumapos sa buhay ng isang 21-anyos lalaking kinilalang si Christian John Resurrection sa kanilang bahay sa #2561 Vitas St., Tondo, Maynila dakong 1:45 a.m. kahapon.

Sa ulat ni SPO3 Rodelio Lingcong, kauuwi lamang ng biktima at naghahanda ng kanyang pagkain nang may kumatok sa pintuan.

Nang magbukas ng pinto ang biktima ay bigla siyang pinaputukan ng isang lalaki kasama ang isa pang lulan ng motorsiklo.

Inaalam ng pulisya ang posibleng motibo sa dalawang pamamaril at kung sino ang nasa likod ng mga krimen.

(DAPHNEY ROSE TICBAEN)

About hataw tabloid

Leave a Reply

Your email address will not be published. Required fields are marked *

*

Scroll To Top