LEGAZPI CITY – Basag ang mukha at halos hindi na makatayo ang isang foreman matapos bugbugin ng mister ng ginang na kanyang katalik nang sila ay makaaktohan kamakalawa sa Brgy. Pawa, Legazpi City.
Ngunit imbes magalit ang suspek sa kanyang misis ay inihatid pa niya ang ginang sa bahay ng mga magulang.
Sa panig ng biktima na itinago sa pangalang Allan, idiniin niyang inakit lamang siya ng ginang kaya pinagbigyan niya.
Sinabi ni Allan na mayroon siyang kasintahan ngunit handa siyang kunin ang misis ng suspek kung sasama sa kanya. (HNT)