Monday , September 28 2020
Breaking News
You are here: Home / Showbiz / Derek, di raw natagalan ang ugali ni Cristine (Aktres, sobrang apektado ng kanilang split-up)

Derek, di raw natagalan ang ugali ni Cristine (Aktres, sobrang apektado ng kanilang split-up)

BALITANG matindi ang kalungkutan ngayon ni Cristine Reyes dahil sa paghihiwalay nila ni Derek Ramsay.  Mas apektado raw ang star ng seryeng  Bukas Na Lang Kita Mamahalin kaysa kay Derek.

Expected naman ng karamihan na hindi sila talaga magtatagal. How true na hindi nakayanan ni Derek ang ugali ni Cristine kaya isa umano ito sa dahilan ng split-up?

Nananatiling tahimik lang si Derek at ayaw pag-usapan ang paghihiwalay nila.

“We are giving each other space,” ang matipid lang niyang pahayag.

Pero nananatili silang professional dahil tinatapos pa rin nila ang pelikulang pinagsamahan sa Viva Films.

Magsasama rin ang dalawa sa Hawaii show  ngayong October  at hindi hinayaan ng talent manager na si Jojie Dingcong na maapektuhan ang  natanguang commitments sa nangyari sa lovelife ng dalawa.

Hindi kaya bumalik ang matamis nilang relasyon at makapag-usap ng masinsinan habang nasa Hawaii sila?

Gerald, nag-level-up na ang acting

IBANG atake ng acting ang nakikita kay Gerald Anderson sa seryeng Bukas Na Lang Kita Mamahalin ng Dreamscape Entertainment Television at ng ABS-CBN 2. After Budoy mas lalong gumaling si Gerald. Ibang-iba na talaga noong lumabas siya sa PBB house na walang kalalim-lalim na umarte.

Sa December pa nakatakdang mag-ending ang Bukas Na  Lang Kita Mamahalinbna nasa pang-apat na timeslot sa primetime  series (simula sa Juan Dela Cruz) dahil maselan ang tema nito na may rape, patayan, at paghihiganti.

Pero hindi ka aantukin sa seryeng ito  dahil maganda at mataas ang kalidad nito at kakaiba ang takbo ng istorya na tinatampukan din nina Dawn Zulueta, Dina Bonnevie,  Tonton  Gutierrez, Rayver Cruz, at Cristine Reyes.

Roldan Castro

About hataw tabloid

Leave a Reply

Your email address will not be published. Required fields are marked *

*

Scroll To Top