Tuesday , September 29 2020
Breaking News
You are here: Home / Showbiz / Sharon, excited sa dramedy Madam Chairman ng TV5

Sharon, excited sa dramedy Madam Chairman ng TV5

HINDI maitago ni Sharon Cuneta ang excitement dahil ipalalabas na ang kanyang Madam Chairman sa TV5. Ang Madam Chairman ay bahagi ng paglunsad ng TV5 sa kanilang Everyday All The Way primetime programming. Bale ito ang kauna-unahang pagkakataon na magkaroon si Megastar ng isang isang dramedy.

Sa barangay-serye ng TV5, gaganap ang Megastar bilang Elizabeth “Bebeth” de Guzman, isang mapagmahal na asawa at mabuting ina sa kanyang mga anak na sa kalaunan ay magiging Madam Chairman hindi lamang ng kanilang tahanan kundi pati na rin ng buong Barangay Sta. Clara.

Gaganap naman bilang Dodong si Jay Manalo, ang salawahang OFW husband ni Bebeth na magkakaroon ng relasyon kay Beverly (Regine Angeles) na mula naman sa Barangay San Isidro. Matutunghayan kung paano kakayanin ni Madam Chairman na tumayo bilang ama at ina sa kanyang makukulit na mga anak na sina Bubuy (Akihiro Blanco), Kakay (Shaira Mae Dela Cruz), at Jun-Jun (Byron Ortile).

Tampok din sa Madam Chairman si Bayani Agbayani bilang Jojo Campomanes, ang ambisyosong manugang ng yumaong chairman ng Barangay Sta. Clara. Gagawin ni Jojo ang lahat para mapatalsik si Bebeth sa kanyang puwesto.

Magsisilbi namang TV comeback ni Ciara Sotto ang pagganap bilang Jingle, ang matalik na kaibigan ni Madam Chairman. Kasama rin si Nanette Inventor bilang Kapampangan-speaking auntie ni Bebeth na malapit sa mga De Guzman kids. May mga kaibigan din si Bebeth na mga barangay kagawad ng Sta. Clara na tutulong sa kaniyang patakbuhin ang Barangay Hall: ang relihiyosang si Cita (Malou De Guzman), ang taklesang si Hermes (Manny Castañeda) na mahilig sa mga beautification at sportsfest projects, at si Mery (Glenda Kennedy), na laging may handang payo para sa walang katapusang problema ni Bebeth.

Tampok din sa Madam Chairman sina Fanny Serrano, Tony Mabesa, Jim Pebanco, Nanette Inventor, GillethSandico, Patani, Bearwin Meily, at Toby Alejar.

Ang Madam Chairman ay ididirehe ni Joel Lamangan, kasama ang award-winning scriptwriter-direktor na si Direk Joey Reyes bilang head writer, mapapanood ang  Madam Chairman simula  October 14, 7:00 n.g. sa inaabangang bagong primetime programming ng TV5 na  Everyday All The Way sa ganda at saya.

Maricris Valdez Nicasio

About hataw tabloid

Leave a Reply

Your email address will not be published. Required fields are marked *

*

Scroll To Top