Friday , September 18 2020
Breaking News
You are here: Home / Sports / Sino ang papalit kay Almazan?

Sino ang papalit kay Almazan?

KUNG mayroong season na dapat habulin ng Letran Knights na  kampeonato sa National Collegiate Athletic Association (NCAA), ito ay walang iba kung hindi ngayon!

Ito ay kung totoo ang balita na  ito na ang huling taon ni Raymond Almazan sa paglalaro niya sa Letran at sa NCAA. Lalahok na umano sa 2013 PBA Draft ang 6-8 na si Almazan.

Aba’y maraming mga PBA ballaclubs ang nakatuon ang pansin kay Almazan na ilang beses din namang naparangalan bilang Defensive Player of the Year. At sa season na ito ay lumabas ang opensa niya.

Si Almazan ay isa sa pinakamalaking dahilan kung bakit sumesegunda sa standings ang Knights sa kartang 12-3 sa likod ng defending champion San Beda red Lions na may 13-2.

Nakakatakot nga lang ang kinabukasan para sa Letran kung mawawala si Almazan.

Kasi ay walang ibang sentrong tine-train sa ngayon si coach Caloy Garcia. Kung mawawala siya, sino ang papalit sa kanya?

Iyon ang tanong e.

So, kailangang magkampeon sila ngayon dahil tiyak na mahihirapan sila sa susunod na season kung walang hahalili kay Almazan.

Sakaling may ma-recruit namang big man si Garcia at ang kanyang mga assistants para sa susunod na season, kakailanganin pa nilang pahinugin ito.

E, kung ihahambing ito sa big men ng ibang koponan, malamang na hilaw talaga ito.

Kasi nga, ang ibang teams ay may big men na pakikinabangan pa ng dalawa o higit  pang taon.

Sa panig nga ng San Beda, may tatlong  taon pa sa kanyang eligibility si Olaide Adeogun.

Kung mawawala si Almazan, sino pa ang tatapat kay Adeogun sa mga susunod na seasons?

So, now or never talaga ang sitwasyon para sa Knights!

Sabrina Pascua

About hataw tabloid

Leave a Reply

Your email address will not be published. Required fields are marked *

*

Scroll To Top