Sunday , September 27 2020
Breaking News
You are here: Home / Sports / RoS hihirit pa ng isa?

RoS hihirit pa ng isa?

PATUTUNAYAN ng Petron Blaze na kaya nitong makabangon sa kabiguan at tapusin na ang Rain or Shine sa Game Four ng 213 PBA Governors Cup best-of-five semifinals mamayang 7 pm sa Smart Aaneta Coliseum sa Quezon City.

Nabigo ang Boosters na walisin ang Elasto Painters noong Sabado nang sila ay masilat, 92-87. Doon nagwakas ang kanilang 11-game winning streak.

Kung makakabawi ang Petron mamaya ay tuluyan na itong didiretso sa best-of-seven championship round.

Pero kung makakaulit ang defending champion Elasto painters ay mapupuwersa nila sa deciding Game Five ang Boosters sa Miyerkules.

Nagwagi ang Rain or Shine sa kabila ng hindi paglalaro nina Paul Lee at Ryan Arana at pagkakaroon ng bahagyang injury ni JR Quinahan.

Ang Elasto Painters ay nakabalik sa siyam na puntos na kalamangan ng Boosters sa third quarter bunga ng matinding scoring nina Jeff Chan at Arizona Reid sa final period. Sa punto ring iyon ay gumana ang depensa ni Gabe Norwood kontra kay Elijah Millsap.

Si   Millsap, na siyang frontrunner sa labanan para sa Best Import award, ay nabokya ni Norwood sa second at fourth quarters. Nagtapos siya nang may 17 puntos kumpara sa 25 ni Reid.

Kulang man sa tao ay umaasa si Rain Or Shine coach Joseller “Yeng” Guiao na patuloy na mapupunan ng ibang Elasto Painters ang pagkukulang.

“We’re just hoping to extend the series and keep our title retention hopes alive. We’d love to playing Game Five,” ani Guiao.

Ang Petron, na nagkampeon sa torneog ito dalawang seasons na ang nakalilipas, ay nagwagi sa Game One (91-83) at Game Two (90-88) .

Sa kabila naman ng pagkakapatid ng kanilang 11-game winning streak, tiwala si Petron coach Gelacio Abanilla III na kaya ng kanyang koponan na makabangon at wakasan ang serye.

Ni sabrina pascua

About hataw tabloid

Leave a Reply

Your email address will not be published. Required fields are marked *

*

Scroll To Top