Thursday , November 26 2020
Breaking News
You are here: Home / Breaking News / 4-anyos nene ibinalibag ng tatay sa baldosa (Ulo nalamog nang husto)

4-anyos nene ibinalibag ng tatay sa baldosa (Ulo nalamog nang husto)

100613_FRONT

ILOILO CITY – Kritikal sa West Visayas State University Medical Center ang 4-anyos paslit matapos ibalibag ng ama sa baldosa ng isang presinto sa lalawigang ito.

Ang biktimang si Julie Ann Mae Capitania ng isla ng Guimaras ay nagkaroon ng malubhang pinsala sa ulo dahil sa dalawang beses na pagbalibag ng ama sa baldosa.

Ang insidente ay nangyari sa police station sa Lapaz PNP sa lungsod ng Iloilo.

Nagtungo ang lola ng bata sa police station matapos silang magkagulo at habang nakikipag-usap sa pulis, kinuha ng ama ang anak at lumabas sa police station saka bigla na lang ibinalibag sa baldosa.

Base sa kuha sa CCTV camera sa police station, hinawakan ng ama sa balakang ang anak saka inihampas nang malakas sa semento.

Hindi binitiwan ng ama ang kanyang anak at muling ibinalibag sa baldosa hanggang maawat at arestohin ng mga pulis. Ikinulong sa selda ang ama habang agad isisnugod sa ospital ang paslit.

Habang nasa loob ng selda ng police station, mistulang wala sa sarili ang suspek at tumangging magbigay ng pahayag kung bakit niya nagawang ibalibag sa baldosa ang kanyang anak.

HATAW News Team

About hataw tabloid

Leave a Reply

Your email address will not be published. Required fields are marked *

*

Scroll To Top