Thursday , October 1 2020
Breaking News
You are here: Home / News / 6 bahay naabo sa kalan

6 bahay naabo sa kalan

ANIM kabahayan ang naabo dahil sa  napabayaang kalan habang nagluluto ng tanghalian ang isang ginang kahapon ng umaga sa Malabon City.

Sa ulat ng Bureau of Fire Protection (BFP) Malabon City, dakong 11:05 ng tanghali kahapon nang masunog ang bahay ng isang Maryjane Reyes, nasa hustong gulang at residente ng S. Pascual Street, Brgy. San Agustin ng lungsod.

Unang naiulat na tatlong anak ni Reyes may edad 3,5, at 7, ang naiwan sa itaas ng bahay ngunit nailigtas ng mga kapitbahay bago pa tupukin ng apoy ang bahay ng mga Reyes.

Nagluluto umano ng kanilang panindang pagkain at pananghalian ang ginang nang lumabas upang sunduin ang isang anak sa kalapit na paaralan at nakalimutan ang nakasalang sa kalan.

Dito sumiklab ang apoy na madaling kumalat sa iba pang kabahayan na pawang gawa sa light materials.

Wala naman nasaktan sa nasabing sunog na agad naapula  ng mga pamatay-sunog at sa pagtutulungan ng  mga residente sa lugar.

(ROMMEL SALES)

About hataw tabloid

Leave a Reply

Your email address will not be published. Required fields are marked *

*

Scroll To Top