Sunday , September 27 2020
Breaking News
You are here: Home / Showbiz / Sunshine ng Sexbomb, recording artist na!

Sunshine ng Sexbomb, recording artist na!

NAKITA namin kamakailan si Sunshine Garcia ng Sexbomb na nagre-recording na siya sa ABS-CBN kaya naman biniro naming ito na singer na pala siya.

Tinanong naming ito kung para saan ba ang ginagawa niyang iyon o kung may album na ba siya? Ngumiti ito at sinabing para iyon sa  60th anniversary ng ABS-CBN.

Natuwa naman kami dahil busy sa ABS-CBN si Sunshine.

Napag-alaman pa naming halos dalawang taon na pala siya sa Banana Split at nabigyan din siya ng pagkakataon na maging regular sa Annaliza. Bale siya ang bestfriend ni Stella (Kaye Abad) sa teleserye. Sa rami ng raket, halos araw-araw ay nagtratrabaho si Sunshine.

Hindi naman daw siya nagrereklamo, bagkus nagpapasalamat sa rami ng blessings na dumarating sa kanya. Tuwing M-W-F ang taping niya ng Annaliza na napapanood mula Lunes hanggang Biyernes at T-TH naman ang taping niya ng Banana Split na napapanood mula Lunes hanggang Sabado ng gabi pagkatapos ng Toda Max.

Napapanood din siya sa ASAP kaya naitanong namin sa kanya kung regular siya sa Sunday show?

Ani Sunshine, hindi pa sa ngayon pero wish niyang maging regular din sa ASAP. Sa Linggo, Oktubre 6, guest muli si Sunshine sa ASAP na mangyayari sa Marikina Sports Complex at saka naman sila magtutungo sa Quezon City Circle para sa Celebration ng 60th Anniversary ng ABS-CBN.

Giit ni Sunshine, ibinibigay niya ang lahat ng makakaya sa mga trabaho niya  dahil na-experience na nila ng kanyang manager na si Ms Joy Cancio na mawalan ng sariling teleserye at trabaho. Kaya kahit pagod at puyat, okey lang sa kanya.

Hiniling nga ni Sunshine noong birthday niya, Sept. 22, na sana’y magtuloy-tuloy na ang mga blessing na dumarating sa kanya at sa kanilang grupo.

Nagpapasalamat din siya sa  bumubuo ng Banana Split dahil sa tiwalang ibinibigay sa kanya. At sana raw ay magawa n’ya o masundan ang yapak ng kanyang idolong si Jean Garcia. Confident kasi ang dalaga na kaya niyang makipagsabayan ng acting kahit kanino.

Maricris Valdez Nicasio

About hataw tabloid

Leave a Reply

Your email address will not be published. Required fields are marked *

*

Scroll To Top