Friday , October 2 2020
Breaking News
You are here: Home / Sports / Marbury tumulong sa PBA

Marbury tumulong sa PBA

NAGBIGAY ng tulong ang dating NBA All-Star na si Stephon Marbury sa outreach program ng PBA.

Noong isang gabi ay bumisita si Marbury sa Cuneta Astrodome upang panoorin ang laro ng semis sa Governors Cup ng Petron Blaze at Rain or Shine at sa halftime ay nagbigay siya ng 300 na pares ng kanyang Starbury na sapatos para sa mga mahirap na batang tinutulungan ng Alagang PBA.

Ayon sa ahente ni Marbury na si Sheryl Reyes, bahagi ito ng paghandog ng tulong ni Marbury sa mga batang Pinoy na mahilig sa basketball lalo na unti-unting nararamdaman niya ang kulturang Pinoy.

Ito ang ikatlong pagbisita ni Marbury sa bansa ngayong taong ito at noong Agosto ay nag-organisa siya ng benefit na laro sa Pasay City kasama ang ilang mga PBA players at artista.

Sa ngayon ay nakabase si Marbury sa Tsina bilang manlalaro ng Beijing Ducks ng Chinese Basketball Association at hanggang ngayon ay iniidolo pa rin siya sa nasabing bansa pagkatapos na mawala siya sa NBA.      (James Ty III)

About hataw tabloid

Leave a Reply

Your email address will not be published. Required fields are marked *

*

Scroll To Top