Monday , September 21 2020
Breaking News
You are here: Home / Showbiz / Vivian, bilib sa pagiging aktres ni Jessy (Pero ‘di raw siya puwedeng sundan bilang Body Beautiful)

Vivian, bilib sa pagiging aktres ni Jessy (Pero ‘di raw siya puwedeng sundan bilang Body Beautiful)

BILIB na bilib pala si Vivian Velez kay Jessy Mendiola—pero ‘di raw puwedeng sundan nito ang mga yapak n’ya bilang Miss Body Beautiful.

Ayon sa dating sexy actress, ang bagong star ng Maria Mercedes has the makings of a fine actress in her first starring role pa lang, kaya hindi raw ito puwedeng sumunod sa mga yapak n’ya.

“Puwede ring makilala si Jessy as Body Beautiful later on pero bago mangyari ‘yon, mari-recognize muna siya bilang aktres. So, in a way, magkabaligtad kami ng career path,” paliwanag ni Vivian noong press conference ng Maria Mercedes sa Plaza Ibarra restaurant sa Timog Avenue, QC.

Mangiyak-ngiyak si Jessy sa tuwa sa sinabi ni Vivian na gumaganap na kontrabida sa Maria Mercedes na magsisimula nang ipalabas sa ABS-CBN sa October 7.

Sa tunog nga pala ng pagsasalita ni Vivian ng gabing iyon, parang nagsisi siya na pumayag mabansagan noon na “Body Beautiful.”

“’Pag may tumatawag sa akin ngayon na Body Beautiful, naaalibadbaran na ako. It took awhile for me to shake off the title. And I’m glad na bago ako nag-quit many years ago, kahit na paunti-unti, nabigyan din ako ng roles na hindi ang pagpapakita ko ng katawan ang pinaka-exciting na challenge. At okey lang sa akin ngayon na villain roles ang inio-offer, dahil I find them more challenging,” lahad n’ya.

Sina Jake Cuenca at Jason Abalos ang leading men ni Jessy sa Filipino adaptation na ito ng isa sa mga Mexican telenovela na nagpasikat nang husto sa singer-atress na si Thalia. Nasa cast din nito in major roles sina Ariel Rivera, Nikki Gil, Vina Morales, Nadia Montenegro, Atoy Co, Alex Castro, at Isabel de Leon.

Sina Chito Rono at Ruel Agbayani ang mga director nito.

Danny Vibas

About hataw tabloid

Leave a Reply

Your email address will not be published. Required fields are marked *

*

Scroll To Top