Tuesday , September 29 2020
Breaking News
You are here: Home / Showbiz / Sexbomb Girls, may pagka-contortionist?

Sexbomb Girls, may pagka-contortionist?

GRABE ang grupo ng Sexbomb sa ginawa nilang pasiklab sa GMA 7’s Sunday All Star nitong nakaraang Linggo, Sept 29. Circus ang concept ng buong team at ang Team Tweetheart ang nagtagumpay.

Hindi naman kataka-taka na sila ang magwagi. Sa totoo lang, nagulat ako nang mapanood ang production ng Tweetheart dahil sa nakatatakot na mga movement ng Sexbomb Girls. Nagtanong nga ako sa kanilang manager na si Ms. Joy Cancio kung contortionist ba ang mga miyembro ng Sexbomb Girls.

Ani Ms. Joy, well equipped sa jazz class ang Sexbomb at ang ilan sa kanila, talagang bata palang ay may formal na pagsasanay sa ballet. Nabalitaan din namin na hindi sinasadya na may sobrang nanakit ang balakang dahil hindi naman sanay sa pagbali ng katawan sa unnatural position. Ang tinutukoy namin ay si Sexbomb Girl Kristine na sumakit ng grabe ang likod sa ginawa pa lamang na rehearsal. Kaya pinagpahinga muna siya ni Ms. Joy para mapa-check-up.

Sinabi pa ni Ms. Joy na hindi dapat basta-basta ginagawa ang ganoong estilo ng pagsasayaw kung walang formal training kaya sobrang nag-alala ito kay Kristine.

Nalaman naming sobrang sipag ng Team Tweeheart lalo na sina Sexbomb Aira, Alden, at ang choreographer ng team na si Donald na dating miyembro ng Speed sa pag-iisip ng treatment sa ibinibigay sa kanilang concept ng S.A.S.

Nagbunga naman ang kanilang sipag dahil sila ang nanalo last Sunday. Tunay na hindi pa rin talaga kayang itumba ang galing at husay ng mga Sexbomb. Congrats sa Team Tweetheart at sana’y magtuloy-tuloy pa ang inyong pamamayagpag.
Maricris Valdez Nicasio

About hataw tabloid

Leave a Reply

Your email address will not be published. Required fields are marked *

*

Scroll To Top