Monday , September 28 2020
Breaking News
You are here: Home / Showbiz / Muling Buksan ang Puso, matagumpay na magtatapos ngayong Biyernes

Muling Buksan ang Puso, matagumpay na magtatapos ngayong Biyernes

NGAYONG linggo na magtatapos ang teleseryeng sinubaybayan ng bayan, ang Muling Buksan Ang Puso  na pinagbibidahan nina Julia Montes, Enrique Gil, at Enchong Dee.

Naka-program ang Muling Buksan ang Puso ng 13-weeks na naging very exciting ang takbo ng kuwento. Sa panonood namin gabi-gabi ng seryeng ito, walang episode na lumaylay ang story nito. Sabi nga namin, isa ito sa mga teleseryeng napakabilis ng pacing. Kaya sa isang gabing ‘di ka mapanood, mawawala ka na. Hindi mo na alam ang nangyayari.

Sa totoo lang, kung nasanay na tayo gabi-gabi na tumututok sa ganitong klase ng programa, tiyak na mami-mis natin ang ganito kagandang teleserye sa primetime. Masasabing bukod sa ganda ng istorya, ang  teleseryeng ito rin ang naging daan para mag-level up ang acting nina Enchong, Julia, at Enrique.

Hindi rin naman matatawaran ang pagganap ng mga award-winning casts  na sina Susan Roces, Pilar Pilapil, Dante Rivero, Cherie Gil, Agot Isidro, at Christopher de Leon.

Mawala man ang MBAP, nakapag-iwan naman ito ng magandang ehemplo na kahit maigsi lang ito sa ere (unlike other previous teleseryes), hindi nag-suffer ang quality nito.

Kudos sa ABS-CBN at sa Dreamscape sa pagbuo ng maganda at de kalidad na seryeng tulad ng Muling Buksan Ang Puso. Kaya huwag bibitaw ngayong linggo sa pagtutok dahil marami pang mangyayari.
Maricris Valdez Nicasio

About hataw tabloid

Leave a Reply

Your email address will not be published. Required fields are marked *

*

Scroll To Top