Tuesday , October 20 2020
Breaking News
You are here: Home / News / 1 patay, 15 sugatan sa bumaligtad na jeep sa SLEX

1 patay, 15 sugatan sa bumaligtad na jeep sa SLEX

Isa ang patay at 15 ang sugatan matapos bumaligtad ang pampasaherong jeep sa southbound ng South Luzon Expressway Lunes ng umaga.

Agad nasawi si Gemma Asidre ng San Pedro, Laguna na nakaupo sa dulong bahagi matapos maipit ang ulo sa pagitan ng mga bakal ng jeep.

Hawak na ng Philippine National Police-Highway Patrol Group (PNP-HPG) ang driver na si Elmer Delgado na nagtamo rin ng mga sugat sa katawan.

Salaysay ng driver, patungo silang Alabang mula Pasay City nang pumutok ang kanang gulong sa likurang bahagi ng jeep kaya naaksidente.

Natanggal na ang jeep pero nagdulot ito ng matinding trapik habang dinala sa ospital ang mga sugatang biktima.

Iniimbestigahan na ng mga awtoridad si Delgado at inihahanda na rin ang mga kasong isasampa laban dito.

About hataw tabloid

Leave a Reply

Your email address will not be published. Required fields are marked *

*

Scroll To Top