Sunday , September 27 2020
Breaking News
You are here: Home / Sports / Teng masaya sa kanyang dalawang anak

Teng masaya sa kanyang dalawang anak

MAGHAHARAP sa finals ng UAAP Season 76 ang magkapatid na Jeric at Jeron Teng kaya inaasahang magiging mahigpit ang labanan ng University of Santo Tomas at De La Salle University.

Kaya masaya ang ama nilang dalawa na si Alvin Teng.

“Wala akong masabi,” ayon sa nakakatandang Teng na dating manlalaro ng San Miguel Beer sa PBA.

Tinalo ng UST ni Jeric ang National University, 76-69, noong Sabado sa kanilang do-or-die na laro sa Final Four upang makalaban ang La Salle ni Jeron sa best-of-three finals na magsisimula sa Miyerkoles sa Smart Araneta Coliseum.

“Ako siguro sa La Salle side. Hati kami para walang masabi. Kami naman, nagchi-cheer kami para sa anak namin,” ani Alvin na kasama si Jeron sa panonood ng laro ni Jeric.

“Mabigat pareho. Maraming beterano ang UST. Anak ko last year na sa UST. Si Jeron, gusto rin mag-champion.”

Huling nagharap ang La Salle at UST sa finals ng UAAP noong 1999.

Samantala, hindi pa sigurado kung babalik si Bobby Ray Parks sa NU sa susunod na taon pagkatapos na matalo ang Bulldogs sa UST kahit hawak nila ang twice-to-beat na bentahe.  (James Ty III)

About hataw tabloid

Leave a Reply

Your email address will not be published. Required fields are marked *

*

Scroll To Top