Saturday , September 26 2020
Breaking News
You are here: Home / Showbiz / Aira, buwis-buhay kung magsayaw

Aira, buwis-buhay kung magsayaw

TALAGANG hindi pa rin matatawaran ang galing ng Sexbomb Girls, nariyan pa rin ang tatak nila na talagang magaling gumiling.

Nakita uli ang kanilang husay sa pagsasayaw sa  GMA 7’s Sunday All Stars sa team ngTWEETHEARTS nitong nakaraan linggo nang humataw ng Latino dance si Aira Bermudez kapareha ni Rodjun Cruz na buwis buhay ang hatawan sa sayawan.

Bukod kay Aira, kasama niyang nagbuwis-buhay sa pagsasayaw ang iba pang Sexbomb Girls na sina CheChe, Johlan, Louise, Mhyca, Jomarie, Krizia, Dona Camille,  at ang pinakabagong myembro ng Sexbomb Girls na si Emylou na taga-Palawan.

Nang ilipat naman naming sa ABS-CBN, nakita naman namin ang paghataw nina Sexbomb Girls Sunshine Garcia at Jopay Paguia na kasama sina Rayver Cruz,Enchong Dee, Gerald Anderson atbp. Sa ASAP 18.

Nakatutuwang panoorin na kahit hindi sila magkakasamang sumasayaw sa iisang channel,  hataw pa rin naman sa blessings ng shows ang Sexbomb Girls. Kaya nais kong batiin ang kanilang manager na si Joy Cancio. Kapag talagang magaling, ‘di kaagad-agad naitutumba.

Sa kabilang banda, kung gusto n’yong mapanood ng live ang Sexbomb Girls mapapanood sila sa Zirkoh, Tomas Morato tuwing Linggo at kakaibang sayawan naman ang makikita sa kanila.
Maricris Valdez Nicasio

About hataw tabloid

Leave a Reply

Your email address will not be published. Required fields are marked *

*

Scroll To Top