Tuesday , April 7 2020
Breaking News
You are here: Home / News / Media officer ni Nograles nag-suicide

Media officer ni Nograles nag-suicide

DAVAO CITY – Patay na nang idating sa ospital ang media relation officer at pinsan ni dating House Speaker Prospero “Bo” Nograles matapos magbaril sa sarili.

Kinilala ang biktimang si Victor Rafael Ranada Castillo, 48, residente ng Kilometro 7, Lanang, sa lungsod ng Davao, nagbaril sa sarili dakong 1:15 a.m. nitong Martes sa No. 12, Sagittarius St., Doña Luisa Subdivision, Ecoland, Davao City.

Si Castillo ay nagtatrabaho din sa kanyang pamangkin na si Davao City First District Rep. Karlo Nograles.

Lumabas sa imbestigasyon ng Talomo Police Station, dakong 12:30 a.m. nitong Martes ay naglasing ang biktima sa gilid ng bahay ng kanyang kaibigan na si Jose Gabriel Pizzaro, 60.

Pagsapit ng 1:30 a.m. nakarinig si Pizzaro ng putok ng baril.

Nang tingnan niya ang pinagmulan ng putok ay natagpuan niyang nakahandusay ang duguang biktima habang nasa tabi ang baril.

Ang biktima ay may tama ng bala sa ulo na naging dahilan ng kanyang kamatayan.

Ayon sa pulisya, bago ang insidente ay nag-away ang biktima at ang kanyang misis na si Matet Castillo.                  (HNT)

About hataw tabloid

Leave a Reply

Your email address will not be published. Required fields are marked *

*

Scroll To Top