Tuesday , September 29 2020
Breaking News
You are here: Home / News / Namingwit ng pulutan senglot nalunod

Namingwit ng pulutan senglot nalunod

NALUNOD ang isa sa dalawang lalaking namimingwit ng isda para gawing pulutan nang lumubog ang kanilang bangka sa Laguna de Bay sa bisidad ng San Pedro sa lalawigan ng Laguna.

Kinilala ang biktimang si John Eric Cruz.

Ayon sa ulat, si Cruz ang kaibigan niyang si Jerome Berroya ay namingwit sa Brgy. Landayan.

Ngunit bago pa man sila makahuli ng isda ay napuno ng tubig ang bangka hanggang sa lumubog sa maputik na bahagi ng lawa.

“Tinanong daw ni Jerome si John Eric kung marunong siyang lumangoy dahil malapit na silang lumubog,” pahayag ni Supt. Chito Bersaluna ng San Pedro, Laguna police.

Sinabi ng pulisya na nagawang makalangoy ni Berroya patungo sa lugar na maraming water lily hanggang masagip siya ng dumaang mga mangingisda.

Isinagawa ang search and rescue operation hanggang magdamag para sa biktima.

|Tinusok namin ‘yung tubig, nakapa namin ‘yung lumubog na bangka tapos sa paligid noon ay hinanap namin siya pero wala eh,” ayon kay PO1 Leandro Pagulayan.

Makaraan ang 10 oras na paghahanap, natagpuan ang bangkay ng biktimang lumulutang malapit sa lugar kung saan lumubog ang bangka.

About hataw tabloid

Leave a Reply

Your email address will not be published. Required fields are marked *

*

Scroll To Top