Friday , September 25 2020
Breaking News
You are here: Home / Sports / 3 koponan aatras sa PBA D League draft

3 koponan aatras sa PBA D League draft

HINDI na sasali ang NLEX, Cafe France at Cebuana Lhuillier sa gagawing Rookie Draft ng PBA D League na gagawin ngayong alas-2 ng hapon sa opisina ng PBA sa Libis, Lungsod ng Quezon.

Hawak ng Bakers ang top pick sa draft kung saan ang inaasahang magiging top pick ay ang point guard ng San Miguel Beer na si Chris Banchero ngunit sinabi ng isang opisyal ng Bakers na papasok ang koponan sa tie-up sa Centro Escolar University sa ilalim ng head coach na si Egay Macaraya.

“We owe it to the (CEU) students so we’re giving the players the exposure in the D-League,” wika ng team manager ng Cafe France na si Jefferson Plaza.

Ang Cebuana naman ay sasanib sa University of the East ng UAAP sa ilalim naman ni coach Boysie Zamar samantalang ang NLEX ay papasok sa tie-up kasama ang San Beda College.

Dahil sa pangyayari, puwedeng kunin ng Blackwater Sports si Banchero kapag nakipag-trade ito sa Boracay Rum na siyang hahawak ng top pick sa D League draft.

Samantala, papasok bilang bagong koponan sa D League ang Banco de Oro na pagmamay-ari ng pamilya Sy na may-ari rin ng SM.

Ang mga manlalaro ng National University sa pangunguna ni Bobby Ray Parks ang  kasama sa lineup ng Banco de Oro dahil sa school tie-up.

“We just want to give our boys a team in the D-League, sharpen them more in higher level competitions. Our players have been requesting for the formation of a D-League team from us. So instead na kanya-kanyang team sila, we decided to form one for them,” ani BDO team manager Fullton Sy.

(James Ty III)

About hataw tabloid

Leave a Reply

Your email address will not be published. Required fields are marked *

*

Scroll To Top