Sunday , September 27 2020
Breaking News
You are here: Home / Showbiz / Sam, hindi totoong binasted ni Shaina (Kusa lang huminto ang actor sa panliligaw…)

Sam, hindi totoong binasted ni Shaina (Kusa lang huminto ang actor sa panliligaw…)

NAGTATAKA ang both camps nina Shaina Magdayao at Sam Milby sa lumabas na balitang binasted ng aktres ang aktor kaya huminto na ito sa panliligaw.

Ayon sa kampo ni Shaina, “wala namang ganoon, hindi naman binasted ni Yna si Sam, magkaibigan nga sila, ang alam ko, kusang huminto si Sam kasi siguro alam niyang hindi pa handa si Yna mag-boyfriend ulit.”

Say naman ng kampo ni Sam, “nakagugulat nga kasi ‘yung teaser ng nagsulat, ‘binasted’ daw, tapos ‘yung sa buong istorya, hindi naman pala ganoon.

“Actually, hindi binasted ni Shaina si Sam, kusang huminto si Sam kasi napansin niya na parang mas gusto ni Shaina maging single pa at bilang respeto ni Sam, kusa siyang huminto to give more time to Shaina.

“At saka respeto rin for Piolo (Pascual) kasi kasagsagan din ng promo nila ng ‘OTJ’ (On The Job) tapos sina Shaina at Piolo pa lagi ang magkasama. Kaya si Sam na mismo ang umiwas, pero hindi totoong nabasted,” kuwento sa amin.

Kung hindi kami nagkakamali ay nasulat na rin namin dito sa Hataw na mismong si Sam ang nagsabi na huminto siya dahil nga sa tingin niya ay ini-enjoy ni Shaina ang pagiging single.

Anyway, bisi-bisihan ngayon si Sam sa shootings ng The Gifted kasama sina Cristine Reyes at Anne Curtis at Kimmy Dora 3 kasama naman si Eugene Domingo.

Arjo, may kasunod agad na teleserye (Pagkatapos ng Dugong Buhay…)

ANG Koreanovelang Pure Love ang next teleserye ni Arjo Atayde kasama si Alex Gonzaga, ito ang nabasa namin sa Kapamilya Gold website.

Kung hindi kami nagkakamali ay unang ini-offer ang Pure Love kay Jericho Rosales para makasama si Alex pero biglang nabago at ibinigay ang aktor kay Angel Locsin bilang leading man dahil tumanggi naman si Paulo Avelino na bisi-bisihan ngayon sa out of the country shows.

Light drama/comedy ang kuwento ng Pure Love at bagay daw ito kina Arjo at Alex say mismo ng taga-ABS-CBN kaya sila ang magkapareha.

Hindi pa malinaw sa amin kung sino ang magdi-direhe ng Pure Love dahil hindi naman binanggit pa.

Anyway, masaya ang batang aktor sa magandang nangyayari sa career niya dahil pagkatapos ng Dugong Buhay ay heto at may follow-up serye na kaagad siya.

Reggee Bonoan

About hataw tabloid

Leave a Reply

Your email address will not be published. Required fields are marked *

*

Scroll To Top