Friday , March 29 2024

Naipit ng Zambo siege, suicidal na

HALOS magpatiwakal na sa hirap na nararanasan ang isa sa mga residenteng naiipit ng kaguluhan sa Zamboanga City.

Idinetalye ni Criselda Jamcilan kung paano sila tumakas sa Sta. Barbara sa gitna ng palitan ng putok.

Ayon sa ginang, wala silang nadalang kahit anong gamit kundi isinama lang niya ang kanilang mga anak, habang ang kanyang mister ay naiwan sa kanilang bahay.

Ngunit nabalitaan niya na isa ang kanilang bahay sa mga nasunog na rin matapos silang tumakas kaya nalilito na siya kung anong gagawin.

Pumapasok na rin aniya sa isip niya ang magpatiwakal.

Ngunit napipigilan lamang siya kapag nakikita niya ang kanilang mga anak na walang ano mang maaasahan, lalo’t hindi na niya alam kung nasaan ang kanyang mister.

Sa ngayon ay nasa evacuation center si Crisela at ang kanyang mga anak ngunit nahihirapan pa rin sa kanilang sitwasyon. (HNT)

US drones gamit sa Zambo surveillance

USAP-USAPAN sa Zamboanga na tumutulong na rin sa surveillance operations ang tropa ng Amerika sa nangyayaring standoff na nasa isang linggo na.

Ito ay nang mapansin ng ilang mamamahayag ang minsang paglipad ng pinaniniwalaang unmanned aerial vehicle o drone.

Ang drone ay maliit na eroplano na walang piloto na pinalilipad sa pamamagitan lamang ng computer o remote control.

Kadalasan ito ay may camera na ginagamit sa surveillance operations sa isang lugar o pag-spy sa mga kalaban.

Ayaw namang kompirmahin ng AFP na kasama na sa operasyon nila ang tropa ng Amerika.

Sa Zamboanga ay matagal na rin merong nakahimpil na kampo ng US marines.

PNOY, AFP TINULIGSA NG CPP SA PAGLUSOB SA MNLF

TINULIGSA ng Communist Party of the Philippines (CPP) ang rehimeng Aquino at ang armed forces sa paglulunsad ng armadong  paglusob  sa pwersa ng Moro National Liberation Front (MNLF) sa Zambanga City.

Ayon sa CPP, ang paglusob ng AFP laban sa MNLF forces ay nagresulta sa malawakang humanitarian crisis, nanganib ang buhay ng daan libong residente, napilitang lumikas ang buong komunidad ng mga sibilyan, naabuso ang karapatang pantao at naapektohan ang ekonomiya ng lungsod.

Ayon sa CPP, dapat ay hinayaan na lamang ng GPH ang MNLF na ipatupad ang orihinal nilang plano na magsagawa ng politico-military protest action nitong Lunes sa Zamboanga City.

Imbes hayaan sa kanilang planong protesta sa Zamboanga City nitong Lunes, naglunsad anila ang rehimeng Aquino ng paglusob laban sa MNLF fighters na nagresulta sa armed standoff, at binalewala ang kapakanan at kaligtasan ng mga sibilyan sa erya.

Dagdag ng CPP, kombinsido ang karamihan na pinili ng rehimeng Aquino na maglunsad ng paglusob upang mai-divert ang atensyon palayo mula sa malawakang protesta laban sa Malacañang at sa congressional pork barrel.

Iginiit ng CPP na magpatupad ng ceasefire ang pamahalaan at hayaan ang ligtas na pag-atras ng pwersa ng MNLF mula sa residential centers.

Sa kabilang dako, binatikos naman ng CPP ang MNLF sa pagsangkot sa politico-military adventurism sa layuning maprotektahan ang pag-kontrol ni Misuari sa Mindanao na nanganganib dahil sa binubuong kasunduan ng MILF at ng pamahalaan.

Zambo crisis, agenda sa Obama-Aquino meeting

KABILANG sa mga isyung pag-uusapan nina Pangulong Benigno Aquino III at US President Barack Obama ang nagaganap na Zamboanga City crisis sa pagbisita ng pangulo ng Amerika sa bansa sa susunod na buwan.

Ito ang pahayag kahapon ni Deputy Presidential Spokesperson Abigail Valte bagama’t aminado siyang hindi pa niya batid ang lahat ng magiging paksa sa paghaharap nina Pangulong Aquino at Obama sa pagdating ng US President sa Filipinas sa Oktubre 11-12.

“Hindi ko pa ho alam kung ano ho ‘yung magiging agenda. We have general … Obviously, pwede ho itong mapag-usapan po kapag nagpunta po ‘yung Pangulo ng Estados Unidos dito,” tugon ni Valte nang usisain kung kasama ang Zamboanga City standoff sa agenda ng pagbisita ni Obama sa bansa.

Kinompirma ni Valte na tumutulong ang US sa pamamagitan ng pagbibigay ng relief goods sa evacuees sa Zamboanga City ng United States Agency for International Development (USAID).

Sa kabila nito’y binigyang diin ni Valte na walang kinalaman ang ikinakasang framework sa increased rotational presence ng US troops sa bansa sa Zamboanga City standoff. (ROSE NOVENARIO)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *