Thursday , September 24 2020
Breaking News
You are here: Home / Showbiz / Alden, 2 mos. hindi kumain ng kanin (Para paghandaan ang pagrampa sa Cosmo Bash)

Alden, 2 mos. hindi kumain ng kanin (Para paghandaan ang pagrampa sa Cosmo Bash)

TANONG ng bayan kung ano ang ipakikita ni Alden Richards  t his year sa Cosmo Bash na gaganapin sa September 24 sa World Trade bilang cover boy ng naturang magazine?

“Mas less damit,” pilyong sagot ni Alden.

Almost two months na raw hindi kumakain ng kanin si Alden.

Pero may mga pagkakataon daw na hinahanap-hanap niya ang kanin.

“After Cosmo po roon ko totodohin. Kahit hindi naman todo rice pero’ pag masarap ‘yung ulam hindi maiwasan, like adobo.”

Paborito rin ni Alden ang binagoongan, dinuguan, at bopis. Kahit gulay kinakain niya maliban sa menudo.

“Lahat po ipakain ninyo na sa akin huwag lang menudo. Hindi ko po alam eh, iyon  lang po ang, ewan ko basta narinig ko ang word na menudo, whoa!

“May bad experience po kasi ako sa menudo, eh. Bata pa po ako noon, seven years old siguro basta hindi ko po alam kung bakit pero lumabas sa ilong ko ‘yung menudo, parang lumabas po ‘yung giniling. Actually ‘yung giniling at menudo, ayoko po.”

Paano kung halimbawa ay may babaeng nililigawan siya at ang challenge para sagutin siya ay kumain siya ng menudo?

“Kaya naman po kaya lang,” sabay akting ni Alden na nagsusuka.

Paghuhubad sa Sunday show, tinutuligsa

Sa Sunday All Stars ay napapansin din na madalas siyang maghubad sa mga production number nila.

“Oo nga po eh. Pinaghububad  po ako pero siguro babawasan ko po kasi may ibang  hindi  magagandang comments. Well, ako naman po kaya po ako pumapayag sa ganoon is for the betterment of the group, para rin naman po masabing nag-all out performance kami. Pero I’m just doing it for the show and for the group and not for anything else,” aniya pa.

Kung siya ang papipiliin ng susunod niyang makakapareha na leading lady na hindi pa niya nakakapareha.

“Barbie Forteza!. Oo nga eh, si Madam luka-luka ‘yun eh. Madam tawag ko sa kanya, eh,” sey pa niya.

“Magaling siya, nagkasama  na po kami sa Maynila isang  episode iyon so parang na-experience ko siya as an actress tapos ‘yung relationship namin off-cam bilang very good friends pagsamahin doon sa isang soap tapos ipag-pair up kami parang feeling ko po magiging okay ‘yung results.”

Okey ba sa  kanya makarelasyon ang mas bata sa kanya gaya ni Barbie?

“I prefer po kasi older women.”

Ilan sa mga binanggit niya na  gustong makatrabaho ay sina Alessandra   De Rossi at Mylene Dizon.

“Sobra pong magaling na aktres (Mylene)! I’ve heard na, kasi po we’re doing ‘10,000 Hours’, mayroon daw pong eksena si Miss Mylene, ‘yung scene na kukunan was heart attack scene so patay-patayan ‘yun, iyak- iyakan. Bago ‘yung scene na ‘yun nakikipag-usap siya sa producer, sa direktor, tawanan sila, tawanan. Actors in, action, ‘yung instant, parang on and off switch na, ang galing talaga, eh!”

Payag daw si Alden kung magkakaroon sila ng lovescene ni Mylene.

“Of course if okay lang din kay Miss Mylene, it’s up to her and ako naman po as of this point wala po akong right na mag-inarte sa kahit na anong hingin sa script kasi I’m just starting lang po.”

May naughtiness din naman daw si Alden.

“Lahat naman po tayo may kaunti,” sey pa niya sabay tawa.

Tsuk!

Roldan Castro

About hataw tabloid

Leave a Reply

Your email address will not be published. Required fields are marked *

*

Scroll To Top