Friday , March 29 2024

Alcala resign – Lawyer

091613_FRONT

HININGI kahapon ng abogadong si Argee Guevarra ang pagbibitiw ni Department of Agriculture (DA) Secretay Proceso Alcala matapos mapag-alaman sa pagdinig ng Mababang Kapulungan nitong Huwebes na hindi kakayaning maabot ng bansa ang target na maging self-sufficient sa bigas ngayon taon.

Sa ulat, inamin ng mga opisyal ng Department of Agriculture na kukulangin ng higit sa 2.5 milyong metriko toneladang (MT) bigas ang produksyon ng bansa ngayon taon kompara sa target para sa 2013. Kasabay nito, napag-alaman din na kakailanganin ng bansa na umangkat ng 500,000 MT bigas upang matustusan ang pangangailangan hanggang matapos ang kasalukuyang taon.

Salungat ang pag-aming ito ng mga opisyal ng Kagawaran ng Pagsasaka sa mga kasapi ng House Committee on Agriculture at ng House Special Committee on Food Security sa paniniguro ni Alcala sa publiko noong Marso na “hindi tayo madidiskaril sa ating mithiing makamit ang kasapatan sa produksyon ng bigas bago matapos ang taon kasalukuyan.”

Sa harapang pagtatanong ni Magdalo Party-list Rep. Gary Alejano kung kakayanin ng bansa na maging sapat ang produksyon sa bigas ngayon taon, ang sagot ni Assistant Secretary Romeo Recide ng Bureau of Agricultural Statistics ay “the answer is no.” Bilang katunayan umano, kakailanganin pa natin umangkat ng kalahating milyong metriko toneladang bigas upang mapunan ang pangangailangan ng bansa.

Ang Food Staples Self-Sufficiency Roadmap (FSSR) 2011-2016, na ibinalangkas ng DA at ng NFA ay nagtatadhana sa 21 milyong MT bilang target sa produksyon ng bigas upang tuluyang matamo ang mithiin sa kasapatan ng nasabing produkto. Ang pinakamalaking maaaring anihin ng ating bansa, ayon sa ulat na ibinigay ni Recide sa mga kasapi ng dalawang komite ng Mababang Kapulungan, hanggang matapos ang taon ay aabot lamang sa 18.45 million MT bigas.

Sa kabila ng pag-amin ng BAS, sinabi ni National Food Authority (NFA) Administrator Orlan Calayag, kahit malaki ang kakulangan ng bansa sa produksyon ng bigas, maaabot pa rin ang kasapatan sa suplay nito dahil “may sobra pang dalawang milyong metriko tonelada sa ating imbentaryo mula sa nagdaang taon.” Agad kinontra ni Alejano ang paliwanag ni Calayag.

Ang “rice self-sufficiency ay tungkol sa produksyon ng bigas ng ating bansa, hindi sa kasapatan ng suplay nito. Kasapatan para sa ating bansa ang pinag-uusapan dito na ang tinutukoy ay ang kakayahan natin sa produksyon ng bigas na sapat sa ating pangangailangan,” ayon kay Alejano.

“Ibig sabihin, binigo ninyo ang self-sufficiency program dahil hindi ninyo naabot ang target,” diin ng mambabatas.

Si Alejano ang may-akda ng House Resolution No. 247 na nagpatawag ng pagsisiyasat.

“Hindi nagsisinungaling ang numero lumalabas na ang 500,000 MT na binabanggit ni Recide ay ang aktwal na kakulangan natin sa suplay ng bigas kahit pa nga may sobra pang imbentaryo mula noong nagdaang taon,” ani Guevarra na dumalo bilang resource person sa naturang pagdinig.

“Sa usapin ng produksyon, mahigit dalawa’t kalahating milyong metriko tonelada ang hindi kayang anihing bigas. Ito ay ayon sa mga itinatadhanang target at datos ng pamahalahaan.”

Idinagdag ni Guevarra na “nakahihiya ito sa Pangulo. Isang kahihiyang ang Kalihim ng Pagsasaka pa ang may dulot, dahil sa kabiguang tuparin ang mga paulit-ulit na ipinangako sa Pangulo,” ayon kay Guevarra na naglahad sa mga anomalya sa pag-aangkat ng bigas ng DA at NFA nitong Abril lamang ngayon taon.

“Ang masama nito,” ani Guevarra, “nagtangka pa si Alcala na pagtakpan ang mga kabiguang ito ng kanyang ahensya sa mata ng Pangulo sa pamamagitan ng mga mali at mapanlansing datos at paninisi sa mga ‘di-pinangalanang grupo.”

“Marami na ang napagbalingan ng sisi sa higit na pagkakamli. Gawin sana ni Alcala ang mas marangal na hakbang. Dapat na siyang magbitiw,” panawagan ng abogado,

Mula sa mga datos halaw sa estadistika ng DA, magiting na idineklara ng Pangulo sa kanyang ikaapat na State of the Nation Address noong Hulyo na “nasa target” ang bansa alinsunod sa itinadhana ng rice self-sufficiency roadmap.

Inamin din ni Calayag sa pagdinig na ipinatawag ng dalawang komite sa Mababang kapulungan ang kasalukuyang pagpapatupad ng programa sa rice self-sufficiency ay lalong nagpataas ng presyo ng bigas.

“Dahil ang ating bigas ngayon ay locally procured, kahit iyong nasa pribadong sektor na nanggagaling ang suplay ng bigas sa Isabela, ito ay nakadaragdag pa ng piso sa kada kilo ng bigas bago pa man dumating ang bigas sa Kalakhang Maynila,” pahayag ni Calayag sa dalawang kumite.

“Sa kanilang sariling pananalita na mismo nanggaling na kulang ang ating produksyon o ani at paubos na ang ating suplay. Ngayon, may ganito pang pag-amin na nakadagdag sa pagtaas ng presyo ng bigas ang programa nilang ipinapatupad? Kailangan na talagang magbitiw ni Alcala,” hirit ni Guevarra.

HATAW News Team

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Leave a Reply

Your email address will not be published. Required fields are marked *