Monday , September 28 2020
Breaking News
You are here: Home / Sports / Petron susubukan ang tikas ng Alaska

Petron susubukan ang tikas ng Alaska

NAIS ng Petron Blaze na mapanatili ang pagbabaga sa salpukan nila ng Alaska Milk sa 2013 PBA Governors Cup mama-yang 7:30 pm sa Philsports Arena sa Pasig City.

Babawi naman sa pagkakalugmok ang Talk N Text  kontra Air 21 sa unang laro sa ganap na 5:15 pm.

Hawak ngayon ni coach Gelacio Abanilla III, ang Petron Blaze ay may six-game winning streak matapos na matalo sa kanilang unang laro.

Kahit na nakapasok na sila sa quarterfinal round ay nais ni Abanilla na ipagpatuloy ng Boosters ang kanilang pananalasa kontra Aces na siyang reigning Commissioner’s Cup champions.

Ang Aces ay galing a 95-82 pagkatalo sa SanMig Coffee noong Martes ay bumagsak sa 4-4 record.

Sa import match-up ay magtutunggali sina Elijah Millsap ng Petron at Wendell McKines ng Alaska Milk.

Ang Talk N Text ay tinambakan ng Petron noong Miyerkoles at naghahangad na makabawi kontra sa nangungulelat na Air 21.

Nagsibalik na ang apat na Gilas Pilipinas members na sina Jimmy Alapag, Jayson Castro, Ranidel de Ocampo at Larry Fonacier sa active duty para sa Talk N Text.

Umaasa si coach Norman Black na makakabawi ang kanyang import na si Tony Mitchell na nalimita sa pitong puntos kontra Petron.

Makakatapat ni Mitchell si Zach Graham na kagaya niya ay isang matinding scorer.

Sa ngayon ay tila nakatuon na ang pansin ng Air 21 sa susunod na season matapos na ipamigay sina Mike Cortez at  James Sena sa Meralco kapalit nina Mark Borboran at Asi Taulava.

(SABRINA PASCUA)

About hataw tabloid

Leave a Reply

Your email address will not be published. Required fields are marked *

*

Scroll To Top