Sunday , March 29 2020
Breaking News
You are here: Home / Showbiz / Muling Buksan ang Puso, consistent sa bilis at kalibre (Kahit patapos na…)

Muling Buksan ang Puso, consistent sa bilis at kalibre (Kahit patapos na…)

MARAMI ang nanghihinayang na malapit na ring magtapos ang Muling Buksan ang Puso. Paano’y paganda ng paganda ang takbo ng kuwento ng teleseryeng ito na pinabibidahan nina Julia Montes, Enrique Gil, at Enchong Dee. Ang sabi nga ng mga nakakapanood, isa na ito sa mga teleseryeng pinakamalibis ang pacing. Kaya naman wala kaming nakikitang paglaylay sa kuwento nito.

Bagamat ipinakita na nga sa teaser ng teleserye na malapit na itong magtapos, nakagugulat ang pagpasok ni Christopher de Leon bilang Anton. Sa totoo lang, nakaiintriga ang role na ginagampanan ni Boyet. Siya pala ang lider ng sindikatong napasukan ni Leonel (Enchong). At nakagugulat na roon din pala nagtatrabaho si Jestoni Alarcon.

Tunay na hindi nakakasawang panoorin ang Muling Buksan Ang Puso, ibang klase talagang gumawa ng mga teleserye ang Dreamscape Entertainment.

Noon pa man, nilinaw na ng Dreamscape ng ABS-CBN na sadyang one season lamang ang naturang teleserye kaya nakatitiyak na lalong matitindi pa ang mga eksenang mapapanood sa mga huling linggo ng MBAP.

Tiyak na may mga bagong rebelasyon pa ang mabubulgar sa iba’t ibang karater ng MBAPkaya tutok lang po. At siyempre pinupuri rin namin ang iba pang casts na kaya lalong gumaganda ang Muling Buksan ang Puso tulad ng mga veteran actor na sina Susan Roces, Pilar Pilapil, Dante Rivero, pati na rin sina Cherie Gil, Agot Isidro, at ang super kuwelang si Danie Fernando.

Maricris Valdez Nicasio

About hataw tabloid

Leave a Reply

Your email address will not be published. Required fields are marked *

*

Scroll To Top