Friday , March 29 2024

Si Tanda, si Sexy at si Pogi sa Blue Book ng ‘Pork Barrel’ Queen

00 Bulabugin
PLEASE don’t do a NONNATUS, do an ANGIE REYES instead.

Ito ang gustong ipakiusap ng sambayanan sa mga mambabatas na nangulimbat sa pamamagitan ng pagmaniobra ng sarili nilang ‘pork barrel’ patungo sa pekeng non-government organizations (NGO) ni Janet Lim  Napoles.

Ayon mismo sa whistleblower na dating empleyado ni Napoles, mayroon silang limang notebooks na naglalaman ng ebidensiya laban sa kanilang dating  boss.

Ang limang notebook na iba-iba ang sukat at kulay ay listahan ng cash transactions, properties, bank accounts at iba pang impormasyon kaugnay ng operasyon ng Napoles business company – ang JLN Corp.

Inamin mismo ng dating tauhan ni Napoles na siya mismo ang naglilista ng nasabing records mula.

Sa unang blue notebook, naroon ang tala na P20 milyon ang napunta sa isang “KUYA” mula sa NGO na hawak ng whistleblower.

Aniya, ang “Kuya” at ang “Sexy” ay code names para kay Senator Jinggoy Estrada. Ang “Pogi” ay kay Sen. Ramon ‘idol ko si pdaf’ Revilla, Jr., habang ang “Tanda” naman ay para kay Sen. Juan Ponce Enrile.

Mismong si Napoles umano ang pumili ng mga code name na ‘yan para sa mga nasabing Senador.

‘E how about Senator Gringo Honasan?

Lumabas sa pinakahuling pagbubunyag  na P195 milyon ng P428.5 milyon pork barrel ay napunta sa Philforest noong 2011. Umabot naman ng P40 milyon noong Agosto 2011 at P100 milyon noong Disyembre 2011 ang napunta sa FDGFI.

P50 milyon naman sa WFI noong Pebrerro 2011 at P5 milyon sa PFI noong Disyembre 2010.

‘Yang mga NGO na ‘yan ay kabilang sa mga NGO na iniimbestigahan ngayon ng Commission on Audit (CoA).

Tsk tsk tsk … walang-wala talagang DELICADEZA.

Pakiusap lang, huwag gayahin ng mga taong walang delicadeza ang ginawa ng nagbitiw na NBI Director na si Atty. Nonnatus Caesar Rojas, dahil wala silang karapatan.

Ang gayahin ninyo si Angie Reyes!

Naalala nga natin noong gisahin sa Senado ang nasirang Defense Secretary Angelo Reyes, isa kina Tanda, Sexy at Pogi ang gustong-gusto siyang idiin dahil sa pagkakasangkot sa anomalya sa ilalim ng Arroyo administration.

Please lang huwag kayong mag-resign … samahan ninyo kung saan man naroroon ngayon si Angie Reyes …

T’yak matutuwa sa inyo ang sambayanan!

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About hataw tabloid

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *